LATEST NEWS
  Don’t worry! This news is from our neighbouring state of Tamil Nadu. The Directorate of Collegiate Education (DCE) in Tamil Nadu has issued a circular asking all colleges to ban use of cellphones by students on the premises of the institutions. Here is a peculiar reason behind it. According to one of the official responsible for the notification - “In co-education colleges, we have received complaints that boys were taking videos and pictures of girl students. Mobile phones are also occasionally used for malpractices during examinations.” So get ready folks! Even the Telangana and AP government could take a cue from this decision to impart a ban in our colleges too!  
  Farmers and debt always have a long and sad relation together. This relation often ends along with the ruining of the entire life of the said farmer. Mirroring this fact a report from NABARD has released a survey. NABARD has found that 52.5% of the agricultural households had an outstanding loan. For non- agricultural households it was just 42%. And that’s not the only surprise found with the survey! The average debt of an indebted agricultural household stood at 1,04,602 Rs. in comparison to just 76,731 Rs. for non-agricultural households. The biggest reason for the debts of farmers is said to be the investment for their farming. Sadly the Telugu speaking  States of Telangana (79%), Andhra Pradesh (77%) are found with highest percentage of debts.  
  India has made a lucky start on the first day of the 18th Asian Games being held in Jakarta. Wrestler Bajrang Punia who was named as Indian favourite for the games has lived to the expectations. He won the gold in the 65 kg category of wrestling final. Bajrang has been in good form before coming into the Games. He has won three tournaments -- the Commonwealth Games, the Tbilisi Grand Prix, and the Yasar Dogu International and looked so confident of aiming a gold in the Asian Games too. Besides Bajrang, our shooters Apurvi Chandela and Ravi Kumar won bronze in the mixed rifle event. India is now at the ninth position in the medals tally after the end of day one.  
ALSO ON TELUGUONE N E W S
ఎన్టీఆర్ కథానాయకుడిగా త్రివిక్రమ్ దర్శకత్వంలో 'అరవింద సమేత' సినిమా తెరకెక్కుతున్న విషయం తెలిసిందే.. ఎన్టీఆర్, త్రివిక్రమ్ కలయికలో వస్తున్న మొదటి సినిమా కావడంతో ఈ సినిమాపై భారీ అంచనాలు ఉన్నాయి.. ఆ అంచనాలను నిజం చేస్తూ స్వాతంత్ర్య దినోత్సవం సందర్భంగా విడుదలైన అరవింద సమేత టీజర్ ప్రేక్షకులను బాగా ఆకట్టుకుంది.. అయితే చిత్ర యూనిట్ రెండో టీజర్ కూడా త్వరలో విడుదల చేయాలని ప్లాన్ చేస్తుందట.     మొదటి టీజర్ మంచి యాక్షన్ ఎలిమెంట్స్ అండ్ పవర్ ఫుల్ డైలాగ్స్ తో ఎన్టీఆర్ ఫ్యాన్స్ కి అయితే ఫుల్ కిక్ ఇచ్చింది కాని.. త్రివిక్రమ్ మార్క్ పంచ్ డైలాగ్స్, ఫ్యామిలీ ఎలిమెంట్స్ లేకపోవడంతో త్రివిక్రమ్ ఫ్యాన్స్ కాస్త నిరాశచెందారని చిత్ర యూనిట్ భావిస్తోందట.. అందుకే త్రివిక్రమ్ ఫ్యాన్స్ కోసం రెండో టీజర్ విడుదల చేయాలనుకుంటున్నారట.. దీనిలో లవ్ అండ్ ఫ్యామిలీ ఎలిమెంట్స్ ఉంటాయట.. ఈ టీజర్ ని ఈ నెల చివరిలో లేదా సెప్టెంబర్ మొదటి వారంలో విడుదల చేసే అవకాశం ఉన్నట్టు తెలుస్తోంది.. దీన్నిబట్టి చూస్తుంటే అరవింద సమేత అన్ని ఎలిమెంట్స్ కలగలిసిన ఫుల్ మీల్స్ లాంటి సినిమా అనిపిస్తుందనే అభిప్రాయం వ్యక్తమవుతోంది.
  The latest venture of Vijay Devarakonda, Geetha Govindam is already declared a hit. And it is raining collections too! The film is said to be doing well in US which is encouraging news for the Tollywood. According to an estimate it has amassed $731,294 from its three-day run in the US. The movie which was bought for 15 crores in theatrical rights has already proved to be profitable for the distributors. Despite heavy rains across the country, the worldwide gross of the movie is estimated at 25 crores in just two days. The distributors are happy that they would be getting 200 profits within a span of one week! That’s the stamina of Vijay Devarakonda.
  Sri Reddy has done it again. She has spit enough venom on Pawan Kalyan and doesn’t seem to care about the fireback she is going to receive. Sri Reddy on the eve of Sravan Sukravaram has made a facebook post in which Pawan is shown in a sari. A tagline of ` PK's favourite style of dressing’ was added to the post. However this is not the only offensive post she has made against the power star. A few days back she portrayed the star with six heads (of the women rumoured to be in relation with him) and placed a slogan- `Telugu Girls do we need this man’. Well... It would be interesting to see the reaction of Pawan after all these trolls.  
  విజయ్‌ దేవరకొండ, రష్మిక మందన్న జంటగా పరశురామ్‌ దర్శకత్వంలో బన్నీ వాస్‌ నిర్మించిన ‘గీత గోవిందం’ సక్సెస్‌మీట్‌ తాజాగా హైదరాబాద్ లో జరిగింది.. ఈ సక్సెస్‌మీట్‌ కు మెగాస్టార్ చిరంజీవి చీఫ్ గెస్ట్ గా వచ్చారు.. ఈ సందర్భంగా చిరంజీవి మాట్లాడుతూ 'ఖైదీతో నాకు స్టార్‌ స్టేటస్‌ వచ్చినట్టే ఈ చిత్రంతో విజయ్‌ స్టార్‌ అయ్యాడు.. ఇప్పుడు టాప్‌ స్టార్స్‌లో తనూ ఒకడయ్యాడు.. తనని స్వాగతిస్తున్నా.. ప్రేక్షకుల కేరింతల్ని తలలో కాకుండా గుండెల్లో పెట్టుకుంటే, వాళ్లూ తనని గుండెల్లో పెట్టుకుంటారు.. మన ఇండస్ట్రీకి దక్కినటువంటి మరో అరుదైన వర్సటైల్‌ స్టార్‌ విజయ్‌ దేవరకొండ’ అన్నారు.     అదే విధంగా విడుదలకు ముందు 'గీత గోవిందం' ఫుటేజ్ లీక్ అయిన విషయం తెలిసిందే.. దీనిపై స్పందించిన చిరంజీవి లీక్ చేయటం తప్పంటూ గట్టిగా హెచ్చరించారు.. 'అరవింద్‌గారు సినిమా లీకైందని చెప్పినప్పుడు.. మీరేం వర్రీ కాకండీ, మా తమ్ముడు పవన్‌కల్యాణ్‌ అత్తారింటికి దారేది సినిమా కూడా ఇలాగే లీకైంది.. అది విజయానికి ఆటంకం కాదు.. సెంటిమెంట్‌ అనుకోండి అని ఊరట కలిగించడానికి చెప్పా.. అయితే, కోట్లు ఖర్చుపెట్టి తీసిన సినిమాను స్నేహితులకు చూపించడానికి కుర్రతనంతో లీక్‌ చేయడం ఎంతవరకూ సబబు? ఇదేం న్యాయం? చిత్ర పరిశ్రమ ఎందరికో తల్లిలాంటిది.. ఇక్కడ పని చేసే వ్యక్తులు చిత్రాన్ని దొంగిలించి షేర్‌ చేస్త్తున్నారంటే, కొన్ని కోట్లను దొంగతనం చేస్తున్నట్టే.. ఇండస్ట్రీలోని ప్రతి ఒక్కరినీ హెచ్చరిస్తున్నా.. ఎవరైనా బాధ్యతారహితంగా ప్రవర్తిస్తే, తల్లి పాలు తాగి రొమ్ము గుద్దుతున్నట్లే అని గుర్తుంచుకోండి’ అని చిరంజీవి అన్నారు.
  ప్రస్తుతం మహేష్ బాబు తన 25 వ సినిమా 'మహర్షి'తో బిజీగా ఉన్నారు.. ఈ సినిమాకి వంశీ పైడిపల్లి దర్శకత్వం వహిస్తున్నారు.. మహర్షి అనంతరం మహేష్, సుకుమార్ దర్శకత్వంలో ఓ సినిమా చేయబోతున్న విషయం తెలిసిందే.. గతంలో వీరిద్దరి కాంబినేషన్‌లో ‘1 నేనొక్కడినే’ సినిమా వచ్చినప్పటికీ అనుకున్న అంచనాలను అందుకోలేకపోయింది.. అందుకే ఈసారి సుకుమార్, మహేష్ కి మంచి హిట్ ఇవ్వాలని చూస్తున్నాడు.. సుకుమార్ గత సినిమా 'రంగస్థలం' ఘన విజయం సాధించిన విషయం తెలిసిందే.. అదే ఉత్సాహంతో సుకుమార్, మహేష్ కోసం అదిరిపోయే కథను సిద్ధం చేస్తున్నాడట.. అయితే ఈ సినిమా గురించి ఓ ఆసక్తికరమైన వార్త వినిపిస్తోంది.. ఈ సినిమాలో దాదాపు 30నిమిషాల నిడివితో ఓ గెస్ట్ రోల్ ఉందట.. ఈ పాత్రని ఎన్టీఆర్ తో చేయించాలని సుకుమార్ భావిస్తున్నట్టు తెలుస్తోంది.. అదే జరిగితే 'భరత్ అనే నేను' ఆడియో ఫంక్షన్లో ఒకే వేదికపై కనిపించి కనువిందు చేసిన మహేష్, ఎన్టీఆర్.. వెండితెర మీద కలిసి నటిస్తే ప్రేక్షకులకు కనుల పండుగే అనే చెప్పాలి.
దక్షిణాది రాష్ట్రాలు వర్షాలతో అతలాకుతలం అవుతున్నాయి. తెలంగాణ, ఆంధ్రప్రదేశ్, తమిళనాడు, కర్నాటక, కేరళ రాష్ట్రాలు వర్షాలతో తడిసిముద్దవుతున్నాయి. గడచిన వారం రోజులుగా కేరళను వణికిస్తున్న వర్షాలు తమ ప్రతాపాన్ని ఇతర రాష్ట్రాల వైపు చూపిస్తున్నాయి. ఇరవై రోజుల క్రితం వర్షాలు లేక రైతులు ఇబ్బందులు పడితే ఇప్పుడు ఈ అతి వర్షాలతో పరిస్థితి దారుణంగా మారింది. దక్షిణాది రాష్ట్రాలపై వరుణుడు చూపిస్తున్న ఆగ్రహానికి ప్రజలు విలవిల్లాడుతున్నారు. కేరళలో అయితే పరిస్థితి మరీ దారుణంగా ఉంది. లక్షలాది మంది నిరాశ్రయులయ్యారు. పర్యాటక రాష్ట్రమైన కేరళకు ఇప్నట్లో ఎవ్వరూ రావద్దంటూ ఆ రాష్ట్ర ప్రభుత్వం వినతి చేసుకుంది. అక్కడ ఎక్కడ చూసినా నీరే. లక్షలాది ఇళ్లు నీట మునిగాయి. ప్రజలు సాయమో రామచంద్రా అని ఎదురు చూస్తున్నారు. ప్రధాన మంత్రి నరేంద్ర మోదీ చేసిన ఏరియల్ సర్వేలో ఆయనకు అక్కడి పరిస్థితి కళ్లకు కట్టినట్లు అయ్యింది. దీంతో కేంద్రం నుంచి తక్షణ సాయంగా రెండు వందల కోట్లు ప్రకటించారు. ఆ రాష్ట్రంలో ఇప్పటి వరకూ దాదాపు నాలుగు వందల మంది మరణించినట్లు అధికారిక లెక్కలు చెబుతున్నాయి.   ఎప్పుడూ పర్యాటకులతో, పచ్చని అందాలతో కళకళలాడే కేరళ ఇప్పుడు దయనీయంగా మారింది. ఆ రాష్ట్రాన్ని ఆదుకునేందుకు పొరుగు రాష్ట్రాలు ముందుకు రావడం ముదావహం. తెలంగాణ ప్రభుత్వం 25 కోట్ల రూపాయలు ఇచ్చింది. ఈ సాయాన్ని రాష్ట్ర హోం మంత్రి నాయిని నర్శింహారెడ్డి 25 కోట్ల చెక్కును కేరళ రాష్ట్ర ముఖ్యమంత్రి పినరయ్ విజయన్‌కు అందజేశారు. ఇక ఆంధ్రప్రదేశ్ ముఖ్యమంత్రి చంద్రబాబు నాయుడు కూడా తమ వంతు సాయంగా పది కోట్ల రూపాయలు అందజేశారు. తెలుగు వారు ఆపదలో ఉంటే ఆదుకునేందుకు ముందుకు వచ్చే తెలుగు సినీ హీరోలు కేరళకు సాయం చేసేందుకు ముందుకు రావడం మంచి పరిణామం. ఈ విశాల మనసు ఇంతకు ముందు తమిళ హీరోలకు మాత్రమే ఉండేది. అది ఇప్పుడు తెలుగు హీరోలకు కూడా పాకడం ఆనందించాల్సిన అంశమే. తెలుగు హీరోలు అక్కినేని నాగార్జున తన వంతు సాయంగా 28 లక్షలు, జూనియర్ ఎన్టీఆర్ 25 లక్షలు, మహేష్ బాబు 25 లక్షలు, కల్యాణ్ రాం 10 లక్షలు, ప్రభాస్ 25 లక్షలు, పరుణ్ తేజ్ 10 లక్షలు, దిల్ రాజ్ 10 లక్షలు సాయం చేస్తున్నట్లు ప్రకటించారు. ఇప్పటికే తమిళ హీరోలు తమ వంతు సాయం ప్రకటించారు. ప్రేక్షకులకు వినోదాన్ని పంచి దాని ద్వారా లక్షలు, కోట్లు పారితోషికాల రూపంలో తీసుకుంటున్న తెలుగు హీరోలు తమను ఇంత వారిని చేసిన సమాజానికి ఏ చేయాలని ముందుకు రావడం శుభ పరిణామమే కదా.     ఇక తెలుగు రాష్ట్రాలు కూడా వర్షాలకు విలవిల్లాడడుతున్నాయి. రెండు తెలుగు రాష్ట్రాలలోనూ గత నాలుగు రోజులుగా వర్షాలు హల్ చల్ చేస్తున్నాయి. దీంతో లోతట్టు ప్రాంతాల ప్రజలను సురక్షిత ప్రాంతాలకు తరలించే పనిలో పడ్డాయి ప్రభుత్వాలు. తెలుగు రాష్ట్రాల్లో వాగులు, వంకలు, చెరువులు, కుంటలు పొంగిపొరలుతున్నాయి. తెలుగు రాష్ట్రాల్లో ప్రధాన నదులైన గోదావరి, క్రష్ణ, వంశధార, నాగావళి, శబరి నీటితో కళకళలాడుతున్నాయి. ఇక తెలుగు రాష్ట్రాల్లోని పలు ప్రాజెక్టులు కూడా నిండుకున్నాయి. ఈ ప్రాజెక్టుల నుంచి నీటిని సముద్రంలోకి వదలుతున్నారు. వర్షాకాలంలో కురిసిన వర్షాలతో జలాశయాలు నిండుతున్నా... ఆ తర్వాత కాలల్లో ఆ నీటిని వాడుకునేందుకు వీలుగా నీటిని నిల్వ చేసుకోవడానికి ఏర్పాట్లు మాత్రం ఏ ప్రభుత్వం చేయడం లేదు. సాంకేతికత ఎంత పెరిగినా నీటిని నిలువ చేసే దిశగా ప్రభుత్వాలు చర్యలు తీసుకోకపోవడం దారుణం. ఇప్పటికైనా భవిష్యత్ అవసరాలను ముందుగా గ్రహించి నీటిని నిలువ చేసేందుకు ఏర్పాట్లు చేసుకుంటే మంచిది.
తెలుగు రాష్ట్రాలు వర్షాలతో అతలాకుతలం అవుతున్నాయి. కొన్నాళ్ల క్రితం వర్షం కోసం ఆకాశంలోకి చూసిన రైతు ఇప్పుడు భూముల్లో పెరిగిపోయిన నీటిని ఎలా తోడాలా అని చూస్తున్నాడు. ఒక్క తెలుగు రాష్ట్రాల్లోనే కాదు... దక్షిణాది రాష్ట్రాలన్నీ వర్షాలతో సతమతమవుతున్నాయి. వరుణుడు ఎందుకు కరుణించడో.... ఎందుకు అతిగా కరుణిస్తాడో ఇంకా అంతు పట్టడం లేదు. సరిగ్గా పదిహేను రోజుల క్రితం వర్షాలు లేక రైతులు విలవిల్లాడారు. విత్తిన పైరు కేసి దిగాలుగా.. బెంగగా చూశారు. ఆ పైరు మెలకెత్తుతుందా.... ఎరువులు పని చేస్తాయా.. ఈసారైనా వరుణుడు కరుణిస్తాడా అని ఎదురుచూశారు. మరో వారం రోజుల్లో వర్షాలు కురియకపోతే పంట ఎలా అని అయోమయపడ్డారు. పొలంలో ప్రతి పైరు తడిసేలా రైతులు గ్లాసులతోటి, చిన్న చిన్న చెంబులతోటి నీరు పోయడం పత్రికల్లో చూసిన వారికి కంటి వెంట నీరాగలేదు. ఇది రైతు దుస్థితి అని ప్రతి ఒక్కరు కంటి తడి పెట్టుకున్నారు. ప్రభుత్వాలు కూడా రైతులను ఆదుకుందుకు ఎలాంటి చర్యలు తీసుకోకపోవడం ఇక్కడి విషాదం. సరే, వాతావరణ శాఖ బులెటిన్ విడుదల చేసింది. వర్షాలు కురుస్తాయని ఆనందించిన రైతుకు అతివ్రష్టి రూపంలో వానలు విరుచుకుపడుతున్నాయి.   దీనికి రైతులు ఏమీ చేయలేని పరిస్థితి. గడచిన వారం రోజులుగా తెలుగు రాష్ట్రాలను... ముఖ్యంగా దక్షిణాది రాష్ట్రాలను వర్షాలు ముంచెత్తుతున్నాయి. తెలంగాణలో అదిలాబాద్, నిజామాబాద్ జిల్లాలైతే ఈ వర్షాలకు భారీ మూల్యం చెల్లించేలా ఉన్నాయి. ఇక్కడ గడచిన వారం రోజులుగా ఎడతెరిపి లేకుండా వర్షాలు కురుస్తున్నాయి. పొలాల్లో పైర్లు నీట మునిగాయి. ఆంధ్రప్రదేశ్‌లోని ఉత్తరాంధ్ర జిల్లాలు, ఉభయ గోదావరి జిల్లాల్లో వర్ష బీభత్సం దారుణంగా ఉంది. మొన్నటి దాకా మొలకలెత్తని నాట్లను చూస్తూ ఆకాశంపైకి చూపులు సారించిన రైతు ఇప్పుడు కురుస్తున్న వర్షాలకు ఏం చేయాలో పాలుపోక దేవుడా నీదే భారం అంటూ కూర్చున్నాడు. వర్షాలు కురియడం... పంటలు ఏపుగా పెరగడం.... నాణ్యమైన విత్తనాలు... ఎరువులు వాడడం.. రైతు ఇంట సిరులు కురియడం.... ఇవన్నీ పాతకాలపు మాటల్లా మారిపోయాయి. ఖరీఫ్ సీజన్ ప్రారంభమైందని, ఏరువాకను ప్రారంభించాలని ప్రభుత్వాలు పండుగలు చేస్తున్నాయి.     గతంలో ఈ ఆడంబరాలు లేవు. ప్రభుత్వ వేడుకలు లేవు. ఏరువాక వచ్చిందంటే దానికి సంకేతంగా రైతులు పొలం పనుల్లో నిమగ్నమయ్యేవారు. వారి పొలాల్లో  పనులు ముమ్మరంగా జరిగేవి. కాని నేడు ఆ పరిస్థితి ఏ జిల్లాలోనూ కానరావడం లేదు. ఆ మాటకొస్తే రాష్ట్ర వ్యాప్తంగా ఇదే పరిస్థితి.... దేశ వ్యాప్తంగానూ ఇదే పరిస్ధితి కొనసాగుతోంది. ఇన్నాళ్లూ నీళ్లు లేవని గగ్గోలు పెట్టిన రాష్ట్ర ప్రభుత్వాలు ఇప్పుడు భారీగా కురిసిన వర్షాలతో నిండుకుండల్లా మారిన జలాశయాలు, మిగులు జలాలను ఎలా పరిరక్షించుకోవాలో మాత్రం ప్రభుత్వాలు పట్టించుకోవడం లేదు. లక్షల క్యుసెక్కుల నీరు సముద్రం పాలు అవుతోంది. ఈ నీటిని నిలువ చేసుకుని భవిష్యత్ అవసరాల కోసం ఎలా వినియోగించుకోవాలో మాత్రం ప్రభుత్వాలు పట్టించుకోకపోవడం దారుణం.      ఇక ఈ భారీ వర్షాలకు దక్షాణాది రాష్ట్రాలు అతలాకుతలం అవుతున్నాయి. ముఖ్యంగా కేరళ రాష్ట్రం చిగురుటాదకులా వణికిపోతోంది. అక్కడ పదిహేను రోజులుగా వర్షాలు తెరిపినివ్వడం లేదు. అక్కడి నదులు పొంగిపొర్లుతున్నాయి. ప్రధాన విమానాశ్రయాలు మూసివేశారు. పర్యాటకులకు స్వర్గధామమైన కేరళకు పర్యాటకులను రావద్దంటూ ఆ రాష్ట్ర ప్రభుత్వం అభ్యర్ధించింది. కేరళలో ఇప్పటి వరకూ దాదాపు 350 మందికి కంటే ఎక్కువ మందే వర్షాల కారణంగా మరణించారు. ఇది అక్కడ నెలకొన్న విషాదం. శనివారం నాడు ప్రధాన మంత్రి నరేంద్ర మోదీ కేరళలో ఏరియల్ సర్వే చేయనున్నారు. ఇక్కడి ఈ బీభత్సాన్ని ఆయన ఎలా పరిగణిస్తారో చూడాలి. కేరళలో ఉన్నది వామపక్ష ప్రభుత్వం. అదే కోణంలో చూసి అక్కడి ప్రజలకు సాయం చేస్తారో... లేక మొండిచేయి చూపుతారా అన్నది ప్రశ్నార్ధకం. కేరళ విపత్తును జాతీయ విపత్తుగా చూడాలని ఆ ప్రభుత్వం కోరుతోంది. దానికి ప్రధాని నరేంద్ర మోదీ ఎలా స్పందిస్తారో వేచి చూడాలి.     తమిళనాడులో కూడా వర్షాలు ప్రారంభమయ్యాయి. ఇక్కడ గురువారం నుంచి భారీ నుంచి అతి భారీ వర్షాలు కురుస్తున్నాయి. ఈ వర్షాలకు తమిళనాడు కూడా భారీ మూల్యమే చెల్లించే పరిస్థితులు కనిపిస్తున్నాయి. ఆంధ్రప్రదేశ్‌లోను, తెలంగాణాలోనూ కురుస్తున్న వర్షాలకు రైతులు ఇబ్బందులు పడుతున్నారు. రెండు తెలుగు రాష్ట్రాల వెనుక ప్రభుత్వాలు ఏం చేస్తాయో వేచి చూడాలి. ఎన్నికల సీజన్‌ ప్రారంభమైన ఈ దశలో రైతులను ఎలా ఆదుకుంటారనేది వేచి చూడాలి. తెలంగాణలో రైతులకు ప్రభుత్వం పెట్టుబడి సాయం చేసింది. ఈ సాయం వెనుక రానున్న రానున్న ఎన్నికల కారణం కావచ్చు. కాని, ఇప్పుడు కురుస్తున్న వర్షాలు మాత్రం ఇక్కడి రైతులను ఇబ్బందుల పాలు చేస్తున్నాయి. ఈ పరిస్థితులకు ఆంధ్రప్రదేశ్ కూడా మినహాయింపు కాదు.  అయితే, ఈ రెండు తెలుగు రాష్ట్రాల ప్రభుత్వాలు రైతులను ఎంత వరకూ ఆదుకుంటాయనేది చూడాలి. ప్రభుత్వాల నిర్ణయాలు, వారి ఆచరణ మారకపోతే రైతుల పరిస్థితి నానాటికీ తీసికట్టు నాగంభట్లు అన్నట్లుగా మారతాయి.  
ఒక్కొక్కరే వెళ్లిపోతున్నారు. ఆ తరం భావాలను... ఆ నాటి సిద్ధాంతాలను, అప్పటి ప్రేమాభిమానాలను ఇక్కడే వదిలేసి....అలా అలా నడుచుకుంటూ వెళ్లిపోతున్నారు. మొన్నటికి మొన్న ద్రవిళ జాతికి ఆయువులాంటి కరుణానిధి కన్నుమూశారు. నిన్నటికి నిన్న  మార్క్సిజాన్ని ఔపోసన పట్టిన సోమనాథ్ చటర్జి తుది శ్వాస విడిచారు. ఇప్పుడు మాటకారి, చమత్కారి, "సంఘ" శ్రేయోభిలాషి అటల్ బిహారీ వాజ్‌పేయి ఇహాన్ని విడిచి పరలోకానికి పయనమయ్యారు. దీంతో ఓ మహానాయకుడి మహా ప్రస్తానం పూర్తి అయ్యింది. దేశ రాజకీయాల్లో భిన్న ధ్రవాలు. ఒకటి కాంగ్రెస్ పార్టీ భావజాలం. మరొకటి హిందూత్వ సిద్ధాంతం. మూడోది కమ్యూనిస్టు పోరాటం. వీటిలో హిందూత్వకు, కమ్యూనిస్టు ఉద్యమాలకు పొసగదు. రెంటికి ఆకాశం, భూమి మధ్య దూరమంత దగ్గరితనం. అవును దూరమనిపించే దగ్గరితరం ఆ రెండు సిద్ధాంతాల సారం.     స్వంత లాభం కొంత మానుకుని అన్న నానుడి ఈ రెండు పార్టీలకు అతికినట్లు సరిపోతుంది. అలాంటి హిందూత్వ పార్టీ అయిన భారతీయ జనతా పార్టీ నాయకుడు అటల్ బిహారి వాజ్‌పేయి. పసిప్రాయంలో జనసంఘ్‌తో అడుగులు వేసిన వాజపేయి  ఆ నడకకు నడతను, పరుగును నేర్పారే తప్ప తన మార్గం నుంచి ఎప్పుడూ వెనుతిరగలేదు. ఇందుకోసం ఆయన సంసార జీవితాన్ని వదులుకున్నారు. జగమంత కుటుంబం నాది అనుకున్నారు. అలాగని ఏకాకి జీవితం అని మాత్రం అనుకోలేదు. వంద కోట్ల జనాభా నా కుటుంబం. నేను ఏకాకిని ఎలా అవుతాను అనేది వాజ్‌పైయి చిరునవ్వును చూస్తే అర్ధం అవుతుంది. వద్ధాప్యం వెంటాడగా... మతిమరుపు, శారీరిక సమస్యలతో గడచిన కొంతకాలంగా పోరాడుతున్నారు వాజ్‌పేయి. ఇక పోరాడలేను అనుకున్నారు. జీవధర్మాన్ని అనుసరించి పరమాత్మ వద్దకు చేరుకున్నారు. దేశంలో అతి చిన్న వయసులో లోక్‌సభకు ఎన్నికైన వ్యక్తి అటల్ బిహారీ వాజ్‌పేయి. భాతర తొలి ప్రధాని జవహర్ లాల్ నెహ్రు నిండు సభలో రేపటి భారత ప్రధాని ఈ యువకుడు అని తనను గురించి ప్రకటించేలా చేసుకున్న అసమాన ధీరుడు వాజ్‌పేయి.     నెహ్రు వాక్కు ఫలించింది. సువిశాల భారతదేశానికి... ఆ మాటకొస్తే హిందూ దేశానికి తొలి హిందూత్వ పార్టీ ప్రధానిగా ప్రమాణం చేశారు వాజ్‌పేయి. నేటి ముంబాయ్.... నాటి బొంబాయిలో జరిగిన భారతీయ జనతా పార్టీ పదాధికారుల సమావేశం అనంతరం జరిగిన బహిరంగ సభలో పార్టీ మరో నేత లాల్ క్రష్ణ అద్వాణీ " మా ప్రధానమంత్రి అటల్ బిహారీ వాజ్‌పేయి " అని హఠత్తుగా ప్రకటించేంత వరకూ వాజ్‌పేయికి తెలియదు తాను ప్రధాని అభ్యర్ధిని అని. ఇది ఆ ఇద్దరు నాయకులు స్నేహానికి, వారిచ్చే రాజకీయ విలువలకి తార్కాణం. కుటిల రాజకీయాలు, కుట్రలు,కుతంత్రాలు ఆనాటి తరానికి తెలియవు. ఆనాడు అద్వాణీ ఉన్నారు కాబట్టి వాజ్‌పేయి ప్రధానమంత్రి అయ్యారు. నేడు వాజ్‌పేయి లేరు కాబట్టి అద్వాణీ ప్రధాని కాలేరు. ఇంతే తేడా. నాటి హిందూత్వ రాజకీయాలకు, నేటి హిందూత్వ రాజకీయాలకు. వాజ్‌పేయి అంటే మాటల ప్రవాహం. వాజ్‌పేయి అంటే కవిత్వ గానం. వాజ్‌పేయి అంటే సుపరిపాలన. వాజ్‌పేయి అంటే చల్లని స్నేహం. కేవలం 13 రోజుల ప్రధానిగా ఉన్నా... ఒక్క ఓటుతో ఆయన్ని గద్దెదించినా చెరగని చిరునవ్వు వాజ్‌పేయి సొంతం. వ్యక్తిగతంగా ఏ ఒక్కరిని పల్లెత్తు మాట అనని వాజ్‌పేయి తన కవిత్వంతోనే చురకలు వేసే దిట్ట. అయోధ్యలో రామమందిర నిర్మాణ సమయంలో కూడా వాజ్‌పేయి ఎంతో నేర్పుగా, ఓర్పుగా వ్యవహరించారే తప్ప ఎక్కడా తడబడలేదు. ఆ వ్యక్తిత్వమే ఆయనను సమూహంలో ఒకడిగా కాకుండా సమూహమే ఆయనగా చేసింది.      భారతదేశానికి స్వాతంత్ర్యం వచ్చిన తర్వాత సాధించిన విజయాల్లో రెండు ప్రధానమైనవి. వాటిలో ఒకటి పోలియో నిర్మూలన అయితే, మరొకటి స్వర్ణభూజి పథకం. గ్రామాలను పట్టణాలకు, పట్టణాలను నగరాలకు అనుసంధానం చేస్తూ వేసిన ఆరు లైన్లు, నాలుగు లైన్ల రోడ్ల నిర్మాణం. ఈ పథకంపై అప్పటి ప్రతిపక్షాలు పెదవి విరిచాయి. దీని రూపశిల్పి అటల్ బిహారీ వాజ్‌పేయి. దేశంలో అనేక మార్గాల్లో వందల మైళ్ల దూరం నల్లతాచులా కనిపించే రోడ్లపై నేడు వేలాది వాహనాలు నిత్యం ప్రయాణం చేస్తున్నాయి అంటే దాని వెనుక ప్రధానిగా వాజ్‌పేయి చేసిన క్రషి మరచిపోలేనిది. ఇక పట్టణ పేదల కోసం ఆయన హయాంలో చేపట్టిన వాల్మీకి అంబేద్కర్ ఆవాస్ యోజన (వాంబే) పథకం రూపకల్పన కూడా వాజ్‌పేయి ఘనతే. పట్టణ ప్రజలకు గూడు కల్పించే ఈ పథకం ద్వారా లక్షల మంది నిర్వాసితులు సొంత ఇంటి వారయ్యారు. ఇక రాజకీయంగా కూడా వాజ్‌పేయి తన మార్కుని దేశంలో చూపించారు. పోఖ్రాన్ అణుపరీక్షలు, పొరుగు దేశంతో సత్సంబంధాలు, కార్గిల్ వార్ వంటివి ప్రధానిగా వాజ్‌పేయి విజయాలుగానే పరిగణించాలి. అటల్ బిహారీ వాజ్‌పేయి దేశానికి అన్నీ ఇచ్చారు. ఆయన వెంట కీర్తిని తీసుకువెళ్లారు. ఆప్తమిత్రుడు అద్వాణీని ఒంటరిని చేసి అనంతలోకాలకు సాగిపోయారు. ఆయన మరణానికి తెలుగు వన్ యాజమాన్యం తీవ్ర సంతాపాన్ని తెలియజేస్తోంది. ఆ మహానాయకుడి ఆత్మకు శాంతి కలగాలని దైవాన్ని ప్రార్ధిస్తోంది.
వాజ్ పేయ్ అనగానే మనకు ఓ మాజీ పీఎం మాత్రమే గుర్తుకు రారు. ఆయన ప్రధాని కావటం కేవలం క్లైమాక్స్ మాత్రమే! అంతకు ముందే బోలెడంత సినిమా నడిచింది! దానికి ఆయనే దర్శకుడు, ఆయనే హీరో! అసలు వాజ్ పేయ్ 1996లో తొలిసారి ప్రధాన మంత్రి కావటానికి ముందే సుప్రసిద్ధులు! ఎంతగా ఆయనకు గొప్ప పేరు వుండేదంటే… అప్పట్లో… ఆయన గురించి… భారతదేశం పొందకుండా మిగిలిపోయిన అతి గొప్ప ప్రధాని వాజ్ పేయ్ అనేవారు! అలా ఆయన ప్రధాని అవ్వక ముందే ప్రధాన మంత్రి స్థాయిని పొందేశారు! ఇక 96లో, 98లో, 99లో మూడు సార్లు ప్రమాణ స్వీకారం చేసి తన అవతార లక్ష్యాన్ని నెరవేర్చాశారు! ఇంతకీ ఏంటది? భారతదేశాన్ని ఒక పూర్తి కాలం పరిపాలించిన తొలి కాంగ్రేసేతర ప్రధాని కావటం! అంతకంటే మించీ హస్తిన సింహాసనాన్ని కాషాయం అంటలేదని భావించిన వార్ని తప్పుగా నిరూపిస్తూ హిందూత్వ విజయానికి అత్యుత్తమ సంకేతంగా నిలవటం! ఈ రోజు మోదీ అనే పరిణామం సాధ్యమైందంటే… దాని వెనుక వాజ్ పేయ్ అనే మూలం వుండబట్టే!     అటల్ బిహారీ వాజ్ పేయ్ కి నిస్సందేహంగా రాజకీయ కోణం వుంది. ఆయనని చరిత్ర తప్పకుండా సాటిలేని రాజనీతిజ్ఞుడుగానే గుర్తు పెట్టుకుంటుంది! కానీ, వాజ్ పేయ్ కేవలం పొలిటీషన్ మాత్రమే కాదు. అదే ఆయనకు, ఇతర నేతలకు వున్న తేడా! వాజ్ పేయ్ కవి, స్వాతంత్ర్య సమరయోధుడు, జాతీయవాది, హిందూత్వవాది, అన్నిటికంటే మించి … అద్బుతమైన ఉపాన్యాసకుడు! ఆయన సభలో నోరు తెరిచినా, బహిరంగ సభలో నోరు మెదిపినా అత్యంత సామాన్య జనం మొదలు మహా మేధావుల దాకా అందరూ చెవులు రిక్కించి వినేవారు. అంతటి విషయం, విశేషం రెండూ వుండేవి ఆయన ప్రసంగాల్లో! ఆయన మాట్లాడాల్సి వచ్చింది కాబట్టి అందులో గొప్ప సందేశాన్ని అందించే వారు కాదు! ఆయన గొప్ప సందేశం అందించాల్సి వస్తేనే మాట్లాడేవారు! ఊరికే ఒక్క మాట కూడా మాట్లాడని నిజమైన మౌని… వాజ్ పేయ్!     వాజ్ పేయ్ నోటి వెంట వచ్చిన ప్రతీ ప్రసంగం చారిత్రాత్మకమే అయినా … అందులో అయిదు మాత్రం ప్రత్యేకంగా చెప్పుకోవాలి. వాటిల్లో మొదటిది… 1996లో ఆయన ప్రభుత్వం కూలిపోయే స్థితి వచ్చినప్పుడు పార్లమెంట్లో చేసింది. ఒకింత సుదీర్ఘ ఉపన్యాసం తరువాత ఆయన ‘’నేను రాష్ట్రపతి వద్దకెళ్లి నా రాజీనామా అందిస్తాను’’ అన్నారు! ఇది నిజంగా ఆశ్చర్యమే! వాజ్ పేయ్ ఒటింగ్ కు అడగలేదు. ఆయన ఒటింగ్ పెట్టమని స్పీకర్ ని అడిగినా ఓడేవారే! అయినా, ఒక అద్భుత ప్రసంగం తరువాత ప్రతిపక్షానికి ప్రభుత్వం ఏర్పాటు చేసే అవకాశం స్వచ్ఛందంగా ఇచ్చేస్తూ తన పరిణతిని ప్రదర్శించారు! కాకపోతే, ప్రధానిగా రాజీనామా చేయబోతూ కూడా … ‘’మేం ప్రారంభించిన దేశానికి ఉపయోగపడే పనులు మీ చేత కూడా చేయించే దాకా మేం విశ్రమించం!’’ అంటూ ముగించారు! ఇదీ వాజ్ పేయ్ మార్కు అత్యున్నత రాజకీయ పరిపక్వత!     ఇక రెండోసారి … భారత శాస్త్రవేత్తలు ప్రోక్రన్ లో అణు పరీక్షలు జరిపాక ఆయన మీడియాతో మాట్లాడిన సందర్భం! ఇది చాలా చిన్న మీడియా మెసేజ్! ప్రోక్రన్ లో అణు పరీక్షలు జరిపాం. విజయవంతం అయ్యాయి. 1974 తరువాత ఈ విజయం సాధించిన మన శాస్త్రవేత్తలకు శుభాకాంక్షలు… అన్నారు! ఇప్పుడు వింటే ఇది మామూలుగా వుండవచ్చు కానీ… 1998 నాటి ఇండియాకి అతి పెద్ద విజయం! అమెరికా, బ్రిటన్, యూరోపియన్ యూనియన్ లాంటివి ఒకవైపు, మనం ఒకవైపు! భారత్ తన ఆత్మరక్షణ విషయంలో ఎవరి ఒత్తిడికి తలొగ్గదని నిరూపించింది ఆనాటి వాజ్ పేయ్ సర్కార్! ముఖ్యంగా ప్రోక్రన్ అణు బాంబులు పాకిస్తాన్, చైనాల గుండెల్లో పేలాయి! మూడోసారి వాజ్ పేయ్ ఉపన్యాసం చరిత్రలో నిలిచిపోయింది… ప్రోక్రన్ పరీక్షల విషయంలోనే! ఆయన పార్లమెంట్లో మాట్లాడుతూ … ‘’ ఇప్పటికే మూడు సార్లు మనం విదేశీ దాడులకు బాధితులుగా మిగిలాం! ఇక మీదట కాదు. మనం ఎవరి మీదా దాడి చేయటానికి ఈ పరీక్షలు చేయలేదు. మనకు ఆ ఉద్దేశం కూడా లేదు’’ అంటూ స్పష్టం చేశారు! 1947 నుంచీ స్వంత మెజార్టీ వున్న ఏ భారత ప్రభుత్వమూ ఇలా మాట్లాడలేదు. తొలిసారి వాజ్ పేయ్ పార్లెంట్ సాక్షిగా భారత్ విదేశీ దాడుల్ని సహించబోదని ప్రపంచానికి సూటిగా చెప్పారు! వాజ్ పేయ్ కంఠంలోంచి వచ్చీ చరిత్రలో మార్మోగిపోతూనే వున్న మరో ఉపన్యాసం 1980 నాటిది. బీజేపీ పుట్టిన తొలి నాళ్లలో ఆయన ముంబై మహాసభలో ప్రసంగించారు. ఏప్రెల్ 6 , 1980న కమలదళం కార్యకర్తల సమావేశంలో వాజ్ పేయ్ అద్భుతంగా ఉపన్యసించారు. ఆయన ప్రసంగం ముగిస్తూ అన్నమాటలు ఇప్పటికీ కాషాయ శ్రేణులకు ప్రేరణ కలిగిస్తూనే వుంటాయి! ‘’చీకట్లు తొలిగిపోతాయి! సూర్యుడు ఉదయిస్తాడు! కమలం వికసిస్తుంది!’’ అన్నారు! 2014లోమోదీ స్వంత మెజార్టీతో ప్రధాని అయిన వేళ నిజంగానే వాజ్ పేయ్ చెప్పినట్లు కమలం సంపూర్ణంగా వికసించింది!     ఇక అయిదోసారి వాజ్ పేయ్ పార్లమెంట్లో గర్జించిన సందర్భం… ఐకే గుజ్రాల్ ప్రధానిగా వున్నప్పుడు! ఆయన పీఎంగా వుండగా లాలు ప్రసాద్ యాదవ్ బీహార్ ప్రభుత్వం తీవ్రమైన అవినీతి ఆరోపణలు ఎదుర్కొంది. బీహార్ లో పాలన పూర్తిగా గాడితప్పింది. గుజ్రాల్ నేతృత్వంలోని కేంద్రం మాత్రం లాలూని చూసీ చూడనట్టు వదిలేస్తూ వచ్చింది! వాజ్ పేయ్ ఆ సమయంలో లోక్ సభలో ఛండప్రఛండగా ప్రసంగించారు! ఆనాటి ప్రధానమంత్రి దాదాపు నిశ్చేష్ఠులు కావాల్సి వచ్చింది!రాజకీయ నేతలు చాలా మంది మాటలు చెబుతారు! కానీ, వాజ్ పేయ్ మాటలు అలాంటివి కావు! సాధారణ నేతల మాటలు పెదల మీద నుంచి వస్తే… ఆయన పలుకులు గుండెలోతుల్లోంచీ వచ్చేవి! అందుకే అవి ఎదుటి వారి చెవుల్లోకి మాత్రమే కాక… నేరుగా చరిత్రలోకి వెళ్లిపోయాయి! శాశ్వతంగా స్థిరపడిపోయాయి!
  జమిలి ఎన్నికలపై కేంద్రంలో అధికారంలో ఉన్న భారతీయ జనతా పార్టీ పట్టుదలగా ఉంది. 2019 వ సంవత్సరంలో లోక్‌సభతో పాటు దేశంలోని అన్ని రాష్ట్రాలకు కలిపి ఎన్నికలు నిర్వహించాలన్నది భారతీయ జనతా పార్టీ ఉద్దేశ్యం. ఈ జమిలి ఎన్నికలతో తాము లాభపడాలన్నది బీజేపీ నాయకుల పన్నాగం. జమిలి ఎన్నికల వల్ల రాష్ట్రాలకు ఎలాంటి మేలు జరగదన్నది వివిధ రాష్ట్రాల్లోని పాంత్రీయ పార్టీలకు చెందిన నాయకులు వాదన. ఇందులో కొంత నిజం ఉంది. ఓటర్లు రెండు ఓట్లు వేయాల్సి వస్తే ఒకటి రాష్ట్రంలో ఒకరికి... కేంద్రంలో మరొకరికి వేస్తారని ప్రాంతీయ పార్టీలకు చెందిన వారి భావన. ఇదే జరిగితే కేంద్రంలో భారతీయ జనతా పార్టీ అధికారంలోకి రావడం ఖాయం. ఇన్నాళ్లూ కేంద్రంలో అధికారంలోకి వచ్చే వారు ఎవరన్నది ప్రాంతీయ పార్టీల బలాబలాను బట్టి ఉండేది. జమిలి ఎన్నికలు జరిగితే ప్రాంతీయ పార్టీలకు ఎలాంటి అవకాశమూ ఉండదు. జాతీయ పార్టీలది ఇష్టారాజ్యంగా ఉంటుంది. ఈ కారణంగా సీనియర్ నాయకులు చంద్రబాబు నాయుడు, మమతా బెనర్జి, ఇటీవలే మరణించిన కరుణానిధి, దేవెగౌడ వంటి వారు వ్యతిరేకించారు. జమిలి ఎన్నికలకు ససేమిరా అన్నారు. అయితే, కేంద్రం మాత్రం దీనిపై పట్టుదలగా వ్యవహరిస్తోంది.     ఈ సారి లోక్‌సభకు జరగాల్సిన ఎన్నికలను అన్ని శాసనసభా ఎన్నికలతో కలిపి నిర్వహించాలన్నది ప్రధాన మంత్రి నరేంద్ర మోదీ, భారతీయ జనతా పార్టీ అధ్యక్షుడు అమిత్ షాల యోచన. ఈ ఆలోచనను ఎలాగైనా అడ్డుకోవాలని. జమిలి ఎన్నికలు జరగనివ్వరాదని కొందరు నాయకులు పట్టుదలగా ఉన్నారు. దీనిపై ప్రజలకు అవగాహన కల్పించి వారి నుంచే వ్యతిరేకత వచ్చేలా చేయాలన్నది ప్రాంతీయ పార్టీల నాయకుల ఉద్దేశ్యం. ఈ ఎత్తులను గమనించిన కేంద్రం వీరి ఎత్తులకు పైఎత్తుగా జమిలి ఎన్నికలకు  ఏకంగా చట్టబద్దత కల్పించాలని చూస్తోంది. దీనికి చట్టబద్దత కల్పిస్తే ఇక రాష్ట్రాలు ఏమీ చేయలేవన్నది కేంద్రం యోచన. ఇందుకోసం లా కమిషన్ తన పని ప్రారంభించింది. జమిలి ఎన్నికలకు సాధాసాధ్యలను బేరీజు వేస్తోందిజ ఈ నెల 31 నాటికి లా కమిషన్ సభ్యుల పదవీకాలం ముగుస్తుంది. ఈలోగా జమిలిపై ఓ నివేదిక తయారు చేసి ఇచ్చే పనిలో పడ్డారు లా కమిషన్ సభ్యులు. వారి పని పూర్తి అయిన వెంటనే కేంద్రం వచ్చే లోక్‌సభ సమావేశాల్లో జమిలి ఎన్నికలపై బిల్లు తీసుకువచ్చి దీన్ని ఆచరణలోకి తీసుకురావాలన్నది కేంద్రం ఆలోచన. ఇదే జరిగితే ఈసారి లోక్‌సభతో పాటు 11 రాష్ట్రాల్లో ఎన్నికలు జరిగే అవకాశం ఉంది. ఈసారికి ఇలా కానిచ్చినా..... 2024 ఎన్నికలను మాత్రం జమిలిగా నిర్వహించేందుకు భారతీయ జనతా పార్టీ సన్నాహాలు చేస్తోంది. దీనిపై పలు రాష్ట్రాల నుంచి తీవ్ర వ్యతిరేకత వచ్చినా దీన్ని ఎదుర్కొవాలని భారతీయ జనతా పార్టీ యోచిస్తోంది. ఈ వ్యూహంతో ప్రాంతీయ పార్టీలతో ఎలాంటి యుద్ధమైనా చేయాలని ప్రధానమంత్రి నరేంద్ర మోదీ నిర్ణయించుకున్నారు. జమిలిపై ఆయన వేసిన పాచిక పారుతుందో... లేదో తెలియాలంటే కొన్నాళ్లు వేచి చూడాల్సిందే...!!!
రారాజు అయిన తరువాత కాంగ్రెస్ యువరాజు పూర్తి స్థాయిలో తెలంగాణకు వచ్చారు! సోనియా గాంధీ పట్టుదలతో రాష్ట్ర విభజన చేసిన తరువాత హస్తం గతి రెంటికీ చెడిన రేవడి అయింది. ఏపీలో సున్నా సీట్లు రాగా … తెలంగాణలో అధికారం సున్నా అయ్యి కూర్చుంది. తెలంగాణలో ప్రధాన ప్రతిపక్ష హోదాతో గత నాలుగేళ్లుగా సరిపెట్టుకుంటూ వస్తోంది రాహుల్ పార్టీ! ఇప్పుడు ఆయన హైద్రాబాద్ లో దిగి రెండు రోజుల పాటూ ఇక్కడే మకాం వేశారు. అందుక్కారణం పెద్దగా ఆలోచించాల్సినదేం కాదు. కేసీఆర్ మోదీతో వరుస భేటీలు జరుపుతూ ఏ క్షణాన్నైనా అసెంబ్లీ రద్దు చేసే ఆలోచనలో వున్నారు. అది పసిగట్టిన కాంగ్రెస్ అధ్యక్షుడు రాహుల్ రంగంలోకి దిగారు. తెలంగాణ కాంగ్రెస్ క్యాడర్ ను ఎన్నికలకు సమాయత్తం చేస్తూ తాము విభజించిన తెలుగు రాష్ట్రాల్లో కనీసం ఒక్క దాంట్లోనైనా అధికారం సాధించాలని తాపత్రయపడుతున్నారు. కానీ, అది ఎంత వరకూ సాద్యం?     ఎవరో కేసీఆర్ హార్డ్ కోర్ అభిమానులు లేదా కాంగ్రెస్ బద్ధ వ్యతిరేకులు చెప్పే మాటలు కాదు… నిజంగా కూడా తెలంగాణలో కాంగ్రెస్ అధికారం చేజిక్కించుకోవటం అంత సులువు కాదు! రాజకీయాల్లో అపర చాణుక్యుడైన గులాబీ బాస్ గత నాలుగేళ్లలో వీలైనంత జనాకర్షణ చేశారు. పాలన మొదలు పెట్టగానే ఆయన చేసిన సకల జనుల సర్వే మొదలు నిన్న మొన్నటి రైతు బంధు వరకూ అన్నీ ఓటర్లలో కోలాహలం సృష్టించాయి. వాటి వల్ల నిజంగా క్షేత్రస్థాయిలో జనానికి మేలు జరిగిందా అంటే ఎవరి వాదనలు వారికుంటాయి. కాకపోతే, ప్రత్యేక తెలంగాణ తొలి ముఖ్యమంత్రిగా కేసీఆర్ మాత్రం మరీ దారుణమైన పాలన చేయలేదు. అలాగని అద్భుతాలు కూడా సృష్టించలేదు!     ఒకవైపు కేసీఆర్ పాలనలో కొన్ని లోపాలున్నా టీ కాంగ్రెస్ లో వాట్ని ఎత్తి చూపి ముందుకు దూసుకుపోయిన వారెవరు? నాలుగేళ్లుగా ఎవ్వరూ లేరనే చెప్పాలి! మొన్నటికి మొన్న మాజీ మంత్రి దానం నాగేందర్ పార్టీ మారటం వరకూ టీ కాంగ్రెస్ కు షాకుల మీద షాకులు ఇస్తూనే వస్తున్నారు కేసీఆర్. కానీ, ఆ రేంజ్లో తెలంగాణ కాంగ్రెస్ టీఆర్ఎస్ ని ఢీకొట్టింది లేదు. రేవంత్ రెడ్డి, నాగం లాంటి కొత్త నేతలు చేరినా, ఉత్తమ్ కుమార్, జానా లాంటి పాత నేతలు సిద్ధంగా వున్నా జనం పక్షాన జరిగిన భారీ ఉద్యమాలంటూ ఏమీ లేవు! పైగా కోమటిరెడ్డి బ్రదర్స్ లాంటి వారి కారణంగా అంతర్గత కుమ్ములాటలు యథప్రకారం సాగిపోతున్నాయి. వీటన్నటి మధ్యా హైద్రాబాద్ లో దిగిన రాహుల్ … తనకు కంప్లైంట్లు ఇవ్వద్దంటూ చెప్పేశారట! అందరూ కలిసి పని చేయండి. అధికారం సాధిద్దాం. తరువాత ఆలోచిద్దాం అన్నారట! ఈ మాటలతో కాంగ్రెస్ మార్కు అంతర్గత రాజకీయాలు చల్లబడిపోతాయి. అందరూ ఏకమైపోతారా? కేసీఆర్, కేటీఆర్, కవిత, హరీష్ రావు… ఈ నలుగురితో కూడుకున్న గులాబీ దళాన్ని ఎదుర్కుని ఓడిస్తారా? డౌటే!     రాహుల్ పర్యటన సందర్భంగా మీడియాలో హడావిడి జరగవచ్చు. ఆయన దిల్లీ వెళ్లిపోతే మళ్లీ అంతా చల్లబడిపోతుంది. కానీ, కేసీఆర్ ఇక్కడే వుంటారు. ఆయనకు తెలంగాణ తప్ప మరో ప్రాంతంపై గురి లేదు. ఆయన స్వయంగా చెప్పినట్టు రాహుల్ కుటుంబానికి దేశం మొత్తం గోల కావాలి. కానీ, కేసీఆర్ ఫ్యామిలి దృష్టి మొత్తం తెలంగాణపైనే! కుటుంబ పార్టీనే అయినా టీఆర్ఎస్ తెలంగాణ జనానికి ఎక్కువ దగ్గరగా వుందన్నది నిజం. మరి తెలంగాణ కాంగ్రెస్ నేతల పరిస్థితి? ఏం చేయాలన్నా దిల్లీ నుంచీ ఆదేశాలు రావాలి! ఇది కేవలం తెలంగాణ కాంగ్రెస్ ఇబ్బందే కాదు. తెలంగాణ బీజేపీ కూడా అమిత్ షా వచ్చిపోయిన రెండ్రోజులు హడావిడి చేస్తుంది. తరువాత అంతా గప్ చుప్! ఇదే కేసీఆర్ లాంటి ప్రాంతీయ నేతలకి కలిసొచ్చే విషయం! వాళ్ల కాన్సన్ట్రేషన్ పూర్తిగా వారి రాష్ట్రంపైనే! జాతీయ పార్టీలు అలా చేయలేవు. జాతీయ పార్టీల స్థానిక నాయకత్వానికి పూర్తి స్వేఛ్ఛ వుండదు! మరీ ముఖ్యంగా, గాంధీలకు విధేయులైన కాంగ్రెస్ నేతల్లో అస్సలు వుండదు!     ఇక రాహుల్ తెలంగాణలో అస్సలు గుర్తించని సమస్య మరొకటి వుంది. ఎక్కడైనా ప్రతిపక్షాలు విడివిడిగా పోటీ చేస్తే అధికార పక్షానికి లాభం. ఎందుకంటే, ప్రభుత్వ వ్యతిరేక ఓటు చీలిపోతుంది కాబట్టి! తెలంగాణలో కూడా అదే జరగటం దాదాపు ఖాయం అయిపోయింది. సెప్టెంబర్ లో అసెంబ్లీ రద్దు నవంబర్, డిసెంబర్లలో ఎన్నికలు అన్న సంకేతాలు కేసీఆర్ ఇచ్చేసినప్పటికీ రాహుల్ పొత్తుల కోసం ప్రయత్రాలు చేసినట్టు కనిపించటం లేదు. తెలంగాణలో కోదండరామ్ పార్టీ, గద్దర్ పార్టీ, టీ టీడీపీ పొత్తుకు అనుకూలమైన పార్టీల లిస్టులో వున్నాయి. పవన్ కళ్యాణ్ పార్టీ, కమ్యూనిస్టు పార్టీలు, ఎంఐఎం ఎలాగూ కాంగ్రెస్ తో చేతులు కలిపే రాజకీయ వాతావరణం లేదు. బీజేపీ, టీఆర్ఎస్ లు బద్ధశత్రువులే! ఇలాంటి స్థితిలో తమతో కలసి నడవగలిగే కోదండరామ్, గద్దర్, టీ టీడీపీ శ్రేణుల్ని కూడా ఇంతవరకూ రాహుల్ పలకరించలేదు. ఉత్తమ్ కూడా వారి మీద దృష్టి పెట్టిన దాఖలాలు లేవు! మరి దీని ఎఫెక్ట్ ఏంటి? కాస్త రాజకీయం తెలిసిన వారెవరైనా చెప్పేస్తారు! జాతీయ స్థాయిలో రాహుల్ మోదీకి వ్యతిరేకంగా వివిధ పార్టీల్ని జట్టుకట్టుటంలో విఫలం అవుతున్నారు. అదే సీన్ తెలంగాణలో రిపీట్ అవుతోంది. కేసీఆర్ కు వ్యతిరేకంగా పోరాడుతున్న వివిధ పార్టీల్ని తమతో కలిసేలా చేయలేకపోతున్నారు. కేసీఆర్ మాటల్లో ధ్వనించే భరోసాకు ఇదే కారణం! హైద్రాబాద్ లో హడావిడి పర్యటనలు, కుటుంబ పాలనపై సెల్ఫ్ గోల్స్ లాంటి కామెంట్లు చేయటం కంటే రాహుల్ ముందు పొత్తులపై ఆలోచిస్తే ఎంతో బావుంటుంది. ఎందుకంటే, మిగిలింది ఇంకాస్త సమయమే కాబట్టి!
  ఓ ఇరవై ఏళ్ల నాటి సంగతి. ఇంటర్నెట్ ‌అందరికీ అందుబాటులో ఉండేది కాదు. ఒకవేళ ఏ నెట్‌ సెంటర్లోకన్నా వెళ్తే... అక్కడా ఏమంత సౌకర్యం కనిపించేది కాదు. మెయిల్‌ ఓపెన్‌ కావడానికి కూడా ఓ పావుగంట పట్టేది. దానికీ ఓ నలభై రూపాయలు చెల్లించాల్సి వచ్చేది. ఇప్పటి పరిస్థితి అలా కాదు. అరచేతిలో వైకుంఠంలా... ఓ సెల్‌ఫోన్‌ ఉంటే చాలు, నట్టింట్లోనే నెట్‌ చూసేయవచ్చు. అది కూడా కొద్దిపాటి ఖర్చుతోనే. కానీ మీరు ఓ విషయం గమనించారా!   ఇంటర్నెట్‌లో ఏదన్నా వార్త వచ్చిందనుకోండి... అది దావానలంలా వ్యాపిచేస్తుంది. ఆ వార్త నిజమా కాదా అని ఆగి ఆలోచించేంత ఓపిక ఎవ్వరికీ కనిపించదు. వినేందుకు కాస్త సంచలనంలాగా కనిపిస్తే చాలు, వార్తకి వీక్షకులు పెరిగిపోవడం ఖాయం. ఇక దాన్ని వీడియో రూపంలో మార్చేయడం, ప్రోమోలు రూపొందించేయడం మామూలే! అసలైన నిజం తెలిసేసరికి తాము నెట్‌లో చూసిందే నిజం అన్నంత భ్రమలో జనం ఉంటున్నారు. ఇంకా చెప్పాలంటే ఆకర్షణీయమైన అబద్ధాలను గ్రహించేందుకే జనం సిద్ధంగా ఉన్నారు.   కేవలం వార్తలు మాత్రమే కాదు, ఇంటర్నెట్‌లో ఎలాంటి సమాచారం దొరికినా కూడా, ఇలాంటి పరిస్థితే కనిపిస్తుంది. దీనికే ‘1% rule’ అని పేరు పెట్టారు. అంటే ఒక శాతం మంది మాత్రమే కంటెంట్‌ సృష్టిస్తే,  దాన్ని అనుసరించేవారు 99% మంది ఉంటారన్నమాట. ఉదాహరణకు వికీపీడియానే తీసుకోండి. ఒక అంచనా ప్రకారం వికీపీడియాలో మూడొంతులకు పైగా వ్యాసాలని, దాన్ని చూసేవారిలో కేవలం రెండు శాతం మంది మాత్రమే రాస్తూ ఉంటారు.   కొంతమందే తమకి తోచింది రాయడం, వెనకా ముందూ చూడకుండా ఇతరులు దాన్ని అనుసరించడం ఏమంత సమర్థనీయం కాదని నిపుణులు చెబుతున్నారు. దీనివల్ల నెటిజన్ల మనసులో విషాన్ని నింపడం చాలా తేలికని హెచ్చరిస్తున్నారు. దీనికి ఉదాహరణగా కొన్ని జిహాద్‌ గ్రూపుల వెబ్‌సైట్లనే చూపిస్తున్నారు. వాటిలో తరచూ పోస్టింగులు పెట్టేవారి సంఖ్య ఒకశాతాన్ని మించడం లేదని తేలింది. అంటే మిగతా 99 శాతం మందీ ఆ పోస్టులని చూసి, ఎలాంటి చర్చా సాగించకుండానే తమలో ద్వేషాన్ని నింపుకుంటున్నారన్నమాట.   ఈ తరహా అసమానత participation inequality అనే సమస్యకి దారితీస్తుందట. భయంతోనో, జంకుతోనో ఎలాంటి మార్పులోనూ పాలుపంచుకోకపోవడమే ఈ participation inequality. దానివల్ల అబద్ధానిదే పైచేయిగా మారిపోతుంది. ఇందుకోసం ‘yahoo groups’ని సాక్ష్యంగా చెప్పుకోవచ్చు. ఇప్పుడంటే వీటి జోరు తగ్గింది కానీ, ఒకప్పుడు yahoo groupsతో జనం తెగ కాలక్షేపం చేసేవారు. తమ భావాలను పంచుకుంటూ, చర్చలు చేయడానికి వీటిని గొప్ప వేదికగా భావించేవారు. ఈ yahoo groupsని పరిశీలించినవారికి కూడా మనం పైన చెప్పుకొన్న గణాంకాలే కనిపించాయి. నూటికి ఒక్కరు ఏదో ఒక గ్రూప్‌ని మొదలుపెడతారు. అందులో ఓ పదిమంది పాల్గొంటారు. ఇంకో 90 మంది సభ్యులు సరదాగా వేడుక చూస్తారు.   మన జీవితాల్లో ఇంటర్నెట్‌ ప్రభావాన్ని ఏమాత్రం కాదనలేం. కానీ నెట్‌లో కనిపించేదంతా వేదం కాదని ఈ ‘1% rule’ గుర్తుచేస్తోంది. ప్రశ్నించకుండా, చర్చించకుండా దేన్నీ అంగీకరించకూడదని హెచ్చరిస్తోంది. - నిర్జర.  
  పిల్లల వ్యక్తిత్వం మీద ఏది ఎలాంటి ప్రభావం చూపుతుందో చెప్పడం అసాధ్యం. వారి జన్యువులు, తల్లిదండ్రుల తీరు, చుట్టూ కనిపించే వాతావరణం, బడిలోని పరిస్థితులు... ఇలా సవాలక్ష అంశాలు వారిని ప్రభావితం చేస్తూ ఉంటాయి. కానీ తల్లిదండ్రుల ప్రవర్తన పిల్లల మనసు మీద గాఢ ముద్ర వేస్తుందన్న విషయాన్ని పరిశోధకులు రుజువు చేశారు. అదేమిటో మీరే చూడండి! ఇంగ్లండుకి చెందిన పరిశోధకులు తల్లిదండ్రుల కష్టం పిల్లల మీద ఎంత మేరకు ప్రభావం చూపుతుందో తెలుసుకునే ప్రయత్నం చేశారు. ఇందుకోసం వారు కేవలం 15 నెలల వయసున్న కొందరు పిల్లలను ఎన్నుకొన్నారు. పరిశోధకులు వీరి ముందు ఏదో ఒక పని చేస్తూ కనిపించాడు. అయితే కొంతమంది పిల్లల ముందు ఈ పని చాలా సులువుగా సాగిపోతే, మరికొందరు పిల్లల ముందు కాస్త కష్టతరమైన పనులు చేస్తూ కనిపించారు. సహజంగానే తమ కళ్ల ముందు జరుగుతున్న తంతుని, పిల్లలు చాలా నిశితంగా గమనించారు. ఈసారి పిల్లలకు ఓ కష్టతరమైన పనిని అప్పగించారు పరిశోధకులు. ఎవరైతే తమ ముందు పెద్దలు కష్టపడుతూ ఉండటాన్ని గమనించారో, వారు తమకి అప్పగించిన పనిని ఎలాగొలా పూర్తిచేసేందుకు శ్రమించారు. అందులో విజయం సాధించారు కూడా! కానీ ఎవరైతే తేలికపాటి పనులను గమనిస్తూ వచ్చారో, వారు అంతగా శ్రమించేందుకు సిద్ధపడలేదు. ఓ పదిహేను నెలల పిల్లల మీదే ఎదుటివారి కష్టం ప్రభావం చూపితే, ఇక కుర్రకారు సంగతి చెప్పనే అక్కర్లేదు అంటున్నారు పరిశోధకులు. పైగా అపరిచితుల కష్టంకంటే, ఇంట్లో ఉండేవారి కష్టం మరింతగా ప్రభావం చూపడాన్ని కూడా గమనించారు. మన పిల్లలు ఎలా ప్రవర్తించాలనుకుంటామో, అందుకు మనమే ఓ ఉదాహరణగా ఉండాలన్న విషయాన్ని ఈ పరిశోధన తేల్చి చెబుతోంది. - నిర్జర.
  ఎక్కువకాలం చదువుకునేవారు, మరియు కొత్త అనుభవాల కోసం ఉవ్విల్లూరేవారు ఎక్కువకాలం జీవించే అవకాశం ఉంది. దీర్ఘాయువు కోసం జన్యువుల మీద చేసిన ఒక అధ్యయనం ప్రకారం, విద్యను సుదీర్ఘ కాలం అభ్యసిస్తే, పాఠశాల చదువు దాటి ఎన్ని సంవత్సరాలు చదివితే అన్ని ఏళ్ళ ఆయుష్షు పెరుగుతుందట.   అధిక బరువు ఉన్న వ్యక్తులు ప్రతి అదనపు కిలోగ్రాము బరువుకు రెండు నెలల ఆయుష్షు తగ్గుతుందని ఆ అధ్యయనం సూచించింది. ఎడిన్బర్గ్ విశ్వవిద్యాలయంలోని శాస్త్రవేత్తలు తమ తల్లిదండ్రుల జీవితకాల రికార్డులతో పాటు 600,000 మందికి పైగా ఇతర వ్యక్తుల నుండి జన్యు సమాచారాన్ని విశ్లేషించారు.   మన జీవనశైలి:- ఉదాహరణకు మద్యం సేవించడం, సిగరెట్ తాగడం లేదా వీటికి బానిస అవ్వడం DNA పైన విపరీతమయిన ప్రభావితం చూపిస్తుంది. సిగరెట్ అలవాటు ఉన్నవారికి ఊపిరితిత్తుల క్యాన్సర్ వచ్చే అవకాశాలు ఎక్కువ ఉంటాయి తద్వారా వారి జీవితకాలం తగ్గుతుందని వారు కనుగొన్నారు.    ఒక రోజుకి సగటున ఒక సిగెరెట్ ప్యాకెట్ తాగితే, జీవితకాలంలో ఏడు సంవత్సరాలు తగ్గుతుందని వారు లెక్కించారు. అయితే, పొగత్రాగేవారు ఆ అలవాటు మధ్యలో మానుకుంటే అలవాటు లేని వారు ఎంత కాలం బ్రతుకుతారో వీళ్ళు అంతే కాలం బ్రతుకుతారు. శరీరంలో కొవ్వు మరియు మధుమేహం తెచ్చే ఇతర కారకాలు కూడా జీవితకాలం పైన ప్రభావం చూపిస్తాయి.   మొత్తంగా ఈ అధ్యయనం చెప్పేది ఏంటంటే, మనం ఎన్నేళ్లు చదువు మీద శ్రద్ధ ఉంచాం, మనకు ఎన్ని మంచి లేదా చెడు అలవాట్లు ఉన్నాయి, మన శరీరంలో ఎంత కొవ్వు ఉంది లాంటి కారకాలు మనం ఎన్నేళ్లు జీవిస్తామో నిర్ణయిస్తుంది.    
  వర్షాకాలం అంటే ఎవరికి ఇష్టం ఉండదు చెప్పండి..బయట వర్షం పడుతుంటూ సరదాగా చిరు జల్లుల్లో తడిసిపోతాం.. ఇంట్లోకి వచ్చి అమ్మ చేతి వేడి వేడి పకోడీలో.. భజ్జీలో తినడం అబ్బా ఆ ఆనందాన్ని మాటల్లో చెప్పలేం.. అయితే వర్షంలో తడవటం ఆ క్షణం వరకు బాగున్నా.. తడిసిన తర్వాత మన శరీరాలతో ఆడుకోవటానికి వైరస్‌లు కాచుకుని కూర్చుంటాయి. ఈ కాలంలో బ్యాక్టీరియా, ఫంగస్, ఈస్ట్‌లు ఇన్‌ఫెక్షన్లను కలగజేస్తాయి.. అందుకే వర్షాకాలంలో కొన్ని జాగ్రత్తలు తీసుకోవాలంటున్నారు వైద్యులు.   అవేంటో ఒకసారి చూద్దాం: * చర్మాన్ని వీలైనంత పొడిగా ఉంచుకోవాలి. * చేతులు, కాలి వేళ్ల మధ్య తడిని ఎప్పటికప్పుడు తుడుచుకుంటూ..యాంటీ ఫంగల్ పౌడర్ చల్లుకోవాలి. *పాదాలకు ఎక్కువ చెమట పట్టే శరీరతత్వం ఉన్నవాళ్లు ఈ కాలంలో షూస్‌కి బదులు గాలి ఆడే చెప్పులు ధరించడం మంచిది. * నీటిలో ఎక్కువగా పనిచేసే వాళ్లు, గృహిణులు, రైతులు, కూలీలు పాదాలకు, చేతులకు గ్లౌజులు వేసుకోవాలి. * షుగర్ ఉన్నవాళ్లు దానిని అదుపులో ఉంచుకోవాలి..ఎందుకంటే వర్షాకాలంలో షుగర్ పేషేంట్ల పాదాలకు ఇన్ఫెక్షన్లు చాలా సులభంగా సొకుతాయి. *  వానలో తప్పనిసరై బయటకు వెళ్లాల్సి వస్తే గొడుగులు, రెయిన్‌కోట్లు వేసుకోవడం మంచిది. * పొడిగా ఉంటే బట్టలను ధరించాలి.
ఇప్పుడు ఎక్కడ చూసినా ఆర్గానిక్ ఫుడ్ అన్న మాట విస్తృతంగా వినిపిస్తోంది. ఎందుకంటే ప్రస్తుతం కూరగాయలను, పండ్లను పండించేటప్పుడు ఎదుగుదల కోసమో, క్రిములను నాశనం చేసేందుకనో విపరీతంగా క్రిమిసంహారక మందులు వాడుతున్నారు. అయితే ఎలాంటి పురుగు మందులు ఉపయోగించకుండా కేవలం సేంద్రియ ఎరువులతో పండించినవే ఆర్గానిక్ ఫుడ్. మరి ఈ రకమైన ఆహార పదార్ధాలను తినడం వల్ల కలిగే లాభాలేంటీ..? https://www.youtube.com/watch?time_continue=1&v=lsQH29XE2iI
ప్రొటీన్స్ అనేవి మన ఆహారంలో తీసుకోవాల్సిన ముఖ్యమైన న్యూట్రీషియన్స్. మోడరన్ లైఫ్ స్టైల్ లో ప్రొటీన్ శాతం డైట్ లో ఉండేలా చేసుకోవడం ఖచ్చితం. కండరాల పటుత్వం పెంచుకోవాలనుకున్నా, బరువు తగ్గాలనుకున్నా, ప్రొటీన్ లెవెల్స్ సరైన మోతాదులో తీసుకోవాలి. ఇంతకీ ప్రొటీన్ల ఆవశ్యకత శరీరానికి ఎంతో తెలుసుకోవడానికి ఈ వీడియో చూడండి... https://www.youtube.com/watch?v=IZL1JYO0o24