రాహుల్ కాదు.. ప్రియాంక కాదు.. సీఎం అభ్యర్ధిగా షీలా దీక్షిత్..?

ఉత్తర ప్రదేశ్ లో ఎలాగైనా అధికారం చేపట్టాలని కాంగ్రెస్ పార్టీ తీవ్ర ప్రయత్నాలు చేస్తున్న సంగతి తెలిసిందే. ఈనేపథ్యంలోనే యూపీ ముఖ్యమంత్రి అభ్యర్ధిగా ముందు రాహుల్ ను నిలబెట్టాలని చూసినా.. ఆతరువాత రాహుల్ గాంధీ అయితే గెలిచే అవకాశాలు తక్కువని కాంగ్రెస్ నేతలు మొత్తుకోవడంతో ప్రియాంక గాంధీ తెరపైకి తీసుకువచ్చారు. ప్రియాంక గాంధీ అయితే  గెలిపు వరిస్తుందని.. యూపీ నుండి సీఎం అభ్యర్ధిగా ప్రియాంకానే దాదాపుగా బరిలోకి దింపుతారని అనుకున్నాం. కానీ అటు రాహుల్ గాంధీ, ప్రియాంక గాంధీ కాకుండా.. మరో పేరు తెరపైకి వచ్చింది. ఆమె ఎవరో కాదు షీలా దీక్షిత్. కాంగ్రెస్ పార్టీ అధినేత్రి సోనియాగాంధీ మాత్రం  షీలా దీక్షిత్ వైపు మొగ్గు చూపినట్టు తెలుస్తోంది. దీనికి సంబంధించి ఇప్పటికే సమాచారం అందుకున్న ఆమె, నేడు సోనియా గాంధీ, రాహుల్ గాంధీలను కలిసి చర్చించనున్నట్టు పార్టీ వర్గాలు వెల్లడించాయి. మరి ఆఖరకి ఎవరూ బరిలో దిగుతారో తెలియాలంటే వెయిట్ చేయాల్సిందే.