వర్మ షార్ట్ ఫిలింలో నటించడం హ్యాపీ: మంచు లక్ష్మి

మోహన్‌బాబు కుమార్తె మంచు లక్ష్మి పాదాల మీద ప్రముఖ దర్శకుడు రామ్‌గోపాల్ వర్మ ఓ షార్ట్ ఫిలిం రూపొందించారు. దాని పేరు ‘లక్ష్మీ మంచు పాదాలు ... జీవితంలో ఒకరోజు’. ఈ షార్ట్ ఫిలిం ఓ వ్యక్తి దైనందిక జీవితంలో పాదాలు ఎలా పయనిస్తాయనే ప్రధానాంశంగా రూపొందింది. దీన్ని బుధవారంనాడు ప్రదర్శించారు. ఈ షార్ట్ ఫిలిం గురించి మంచు లక్ష్మి మాట్లాడుతూ, ‘‘నేను ఈ షార్ట్ ఫిలింలో నటించడం సంతోషాన్ని కలిగిస్తోంది. కేవలం నా పాదాలు మాత్రమే ఈ షార్ట్ ఫిలింలో కనిపిస్తాయి. ఇది నాకు ఒక థ్రిల్లింగ్ అంశం. ఇందులో మా అమ్మాయి కూడా నటించడం మరింత థ్రిల్లింగ్ అంశం. దర్శకుడిగా పాతికేళ్ళ కెరీర్ వున్న రామ్ గోపాల్ వర్మ ఎప్పుడూ కొత్తగా ఆలోచిస్తారు. ఆయన నుంచి నేర్చుకోవాల్సినవి ఎన్నో ఉన్నాయి. ఈ సందర్భంగా వర్మ మాట్లాడుతూ.. ఒక విషయాన్ని రెండున్నర గంటల్లో చెప్పడం కంటే రెండు నిముషాల్లో చెబితే ఎలా వుంటుందనే ఆలోచన వచ్చి ఈ షార్ట్‌ ఫిలిం రూపొందించాను. దీంట్లో నటించినందుకు మంచు లక్ష్మికి ధన్యవాదాలని అన్నారు.