కుక్కలకు ఉన్న విశ్వాసం మనుషులకు కూడా ఉండదంటారు. అలాంటి కుక్కలలో మగ కుక్కల కంటే ఆడకుక్కలే నయమని పెర్ జెన్సన్ నేతృత్వంలోని జరిపిన పరిశోధనలో వెల్లడైంది. కుక్కలను మనం పెంచుకోవడం మొదలు పెట్టిన తరువాత వాటిలో వచ్చే మార్పులు ఎలా ఉంటాయి అన్నఅంశం మీద ఈ పరిశోధన జరిపారు. ఈ పరిశోధనలో తెలిసిన విషయం ఏంటంటే మనుషులకు మగకుక్కల కంటే ఆడ కుక్కలే తొందరగా దగ్గరవుతాయట. ఆడ కుక్కలే త్వరగా యజమాని దగ్గరకు వచ్చి తోక ఊపుతాయని, కళ్లలో కళ్లు పెట్టి చూస్తాయని తెలిపారు పరిశోధకులు. ఒకటి కాదు రెండు కాదు ఏకంగా 430 జాతులకు చెందిన కుక్కలపై ఈ పరిశోధన జరిపారట. ఏ జాతిలో చూసినా మగకుక్కల కంటే ఆడ కుక్కలే ఎక్కువగా మనుషుల దగ్గరకు వస్తున్నాయని స్ఫష్టం చేశారు.