దిగ్విజయ్ అలా ఎందుకన్నారు?
posted on Jun 27, 2013 11:43AM
ఒక వైపు రాయల తెలంగాణ ఇవ్వాలని కాంగ్రెస్ అధిష్టానం నిర్ణయం తీసుకుందని, తెలంగాణకు ప్యాకేజీ ఇవ్వడం ఖాయం అని జోరుగా ప్రచారం జరుగుతోన్న నేపధ్యంలో రాష్ట్ర కాంగ్రెస్ వ్యవహారాల ఇన్ చార్జీ దిగ్విజయ్ సింగ్ మాత్రం తెలంగాణ పై నిర్ణయం ఎప్పుడు అనేది చెప్పలేనని అంటున్నారు. అయితే తెలంగాణ పై ఎప్పటికి నిర్ణయం తీసుకుంటామనేది చెప్పలేమని ఆయన అనడం ఆశ్చర్యంగా ఉంది. ఢిల్లీలో ముఖ్యమంత్రి కిరణ్ కుమార్ రెడ్డితో భేటీ అనంతరం ఆయన మీడియాతో మాట్లాడారు. ఇప్పటికే తెలంగాణపై అనేక డెడ్లైన్లు పెట్టామని, తాను కూడా అలా డెడ్ లైన్ పెట్దదలచుకోలేదని ఆయన స్పష్టం చేయడం ఆసక్తికరంగా ఉంది. తెలంగాణపై తమకంతా తెలుసని, అయితే, నిర్ణయం ఎప్పుడొచ్చేదీ తాను చెప్పలేనన్నారు. ఎప్పుడు నిర్ణయం వస్తుందో చెప్పలేననడం ద్వారా దిగ్విజయ్ సింగ్ ఇప్పటికిప్పుడు తేలదని చెబుతున్నారా?