కాంగ్రెస్ ఎమ్మెల్సీ ఎంఎస్ ప్రభాకర్ టీఆర్ఎస్ లోకి చేరడంతో తెలంగాణ కాంగ్రెస్ కు మరో షాక్ తగిలింది. అయితే ప్రభాకర్ చేరిక పక్కన పెడితే ఇప్పుడు అందరి దృష్టి మాత్రం దానం నాగేందర్ పైన పడింది. దానంకు సన్నిహితుడిగా పేరు పొందిన ప్రభాకర్ టీఆర్ఎస్ లోకి చేరడంతో ఇప్పుడు దానం కూడా టీఆర్ఎస్ గూటికి చేరుతారా అన్న అనుమానాలు వ్యక్తమవుతున్నాయి. ఈ నేపథ్యంలో దానం తన ముఖ్య అనుచరులతో కలిసి తన నివాసంలో భేటీ అయ్యారు. తాను కాంగ్రెస్ పార్టీని వీడతారని వస్తున్న వార్తల నేపథ్యంలో ఈ భేటీ ఏర్పాటు చేసినట్టు తెలుస్తోంది. ముఖ్యంగా తన పార్టీ మార్పుపై.. భవిష్యత్ కార్యాచరణపై దానం చర్చించనున్నట్టు తెలుస్తోంది. మరి ఈ భేటిలో దానం ఎలాంటి నిర్ణయాలు తీసుకుంటారో చూడాలి.