ఆదాయానికి మించిన కేసులో అన్నాడీఎంకే ప్రధాన కార్యదర్శి శశికళ ప్రస్తుతం బెంగుళూరులోని పరప్పన జైలులో శిక్ష అనుభవిస్తున్న సంగతి తెలిసిందే. అయితే ఇప్పుడు ఆమెకు స్వల్ప ఊరట లభించింది. నెల రోజుల పాటు ఆమెకు పెరోల్ మంజూరు చేసింది కోర్టు. ఈ సాయంత్రమే జైలు నుంచి ఆమె విడుదల కానున్నారు. దీంతో శశికళకు పెరోల్ మంజూరైన విషయం తెలియగానే ఆమె అనుచరులు, అభిమానులు ఆనందంలో మునిగిపోయారు. ఆమెకు ఘన స్వాగతం పలికేందుకు ఏర్పాట్లు చేస్తున్నారు.