అమ్మాయిలు అందంగా, ఆకర్షణీయంగా,  అందరూ తమ వైపు చూడాలి అనిపించేలా రెఢీ కావాలని అనుకుంటారు. అయితే క్లాసీగా, ఆకర్షణీయంగా కనిపించడానికి ఖరీదైన బట్టలు లేదా పెద్ద బ్రాండ్లు ధరించాల్సిన అవసరం లేదు. సరైన ఫిట్, ఫ్యాబ్రిక్ , రంగును ఎంచుకోవడం చాలా ముఖ్యం. అంతేకాకుండా, చక్కగా రెఢీ అవ్వడం, ఇస్త్రీ చేసిన బట్టలు, శుభ్రమైన షూస్ , సరైన యాక్సెసరీలు  మొత్తం రూపాన్ని మెరుగుపరుస్తాయి. అయితే కాస్లీ దుస్తులు ధరించకుండానే క్లాసీ  లుక్ కనిపించాలంటే ఏం చేయాలో.. తెలుసుకుంటే..

వ్యక్తిగత శ్రద్ద..

ఖరీదైన బట్టల కంటే కూడా శుభ్రమైన, చక్కని  రూపం మరింత ముఖ్యం. కాంతివంతమైన చర్మం, శుభ్రంగా , ఉన్న గోళ్లు, మృదువైన,  చక్కగా కత్తిరించిన జుట్టు  మొత్తం వ్యక్తిత్వాన్ని మెరుగుపరుస్తాయి. కొన్నిసార్లు, మంచి వ్యక్తిగత శుభ్రతతో  నార్మల్  టీ-షర్ట్ ధరించినా కూడా అద్భుతంగా కనిపిస్తుంది. ఖరీదైన ఫేషియల్స్ లేదా పార్లర్ చికిత్సలు అవసరం లేదు. ప్రతిరోజూ  చర్మాన్ని శుభ్రం చేసుకోవాలి, పుష్కలంగా నీరు త్రాగాలి, ఆరోగ్యకరమైన ఆహారం తీసుకోవాలి, క్రమం తప్పకుండా నీరు త్రాగాలి,  పడుకునే ముందు మేకప్ తొలగించాలి. ఈ సాధారణ అలవాట్లు  ముఖంపై సహజమైన కాంతిని నిలుపుకోవడానికి సహాయపడతాయి.

ఫిట్, ప్యాబ్రిక్..

దుస్తుల ఫిట్టింగ్ బాగుంటే చూడటానికి చాలా రిచ్ గా కూడా కనిపించవచ్చు. . బట్టలు మరీ వదులుగా, మరీ బిగుతుగా, లేదా సరైన పొడవులో లేకపోతే, అవి ఖరీదైనవి అయినప్పటికీ చౌకగా కనిపించవచ్చు. ఫిట్టింగ్ బాగుంటే ఎంతో స్టైలిష్ గా కనిపించవచ్చు.  అలాగే  ఫిట్టింగ్‌తో పాటు, ఫ్యాబ్రిక్ ఎంపిక కూడా చాలా కీలకం. కాటన్ పాప్లిన్, లినెన్, సిల్క్, శాటిన్, వెల్వెట్, స్యూడ్, స్ట్రక్చర్డ్ డెనిమ్, ఉన్ని , ట్వీడ్ వంటి ఫ్యాబ్రిక్‌లు సాధారణ ఫ్యాబ్రిక్‌ల కంటే మరింత ప్రీమియంగా,  స్టన్నింగ్ రూపాన్ని అందిస్తాయి.

రంగు, డిజైన్..

చాలా ఎక్కువ కాంతివంతంగా ఉండే లేదా నియాన్ రంగులు అంత ఆకర్షణగా కనిపించేలా చేయవు. వీటికి బదులు  ముదురు, గాఢమైన రంగులు  క్లాసీగా కనిపిస్తాయి. పచ్చ, బర్గండీ, నేవీ బ్లూ, ప్లమ్, చాక్లెట్ బ్రౌన్, మస్టర్డ్, డీప్ టీల్, టెర్రకోట , డస్టీ పింక్ వంటి రంగులు దుస్తులకు న్యూ టచ్ ను జోడించగలవు. నలుపు, తెలుపు, బూడిద, నేవీ బ్లూ , టాన్ వంటి  రంగులను  వార్డ్‌రోబ్‌లో చేర్చుకోవడం ద్వారా వాటిని వివిధ రకాల దుస్తులు , యాక్సెసరీలతో సులభంగా జత చేయవచ్చు. అలాగే, పెద్ద లోగోలు, ఎక్కువ  ప్రింట్లు లేదా భారీగా డిజైన్ లేని దుస్తులను ఎంచుకోవాలి. , క్లాసిక్ గా ఉండేవి,  ఎంత కాలం అయినా ట్రెండ్ కు తగ్గట్టు ఉండే డిజైన్లు ఎప్పుడూ ఖరీదైనవిగా , స్టైలిష్‌గా కనిపిస్తాయి.

స్ట్రక్చర్డ్ దుస్తులు ,  యాక్సెసరీలు -

స్ట్రక్చర్డ్ దుస్తులు ఎప్పుడూ చాలా అందంగా కనిపిస్తాయి. బ్లేజర్లు, టెయిలర్డ్ ట్రౌజర్లు, హై-వెయిస్టెడ్ ప్యాంట్లు, స్ట్రక్చర్డ్ డ్రెస్సులు , చక్కగా కుట్టిన అవుట్‌ఫిట్‌లు   మరింత ప్రత్యేకంగా నిలుపుతాయి. తల నుండి కాలి వరకు ఒకే రంగులో మోనోక్రోమ్ లుక్ ధరించడం వల్ల  స్టైల్ మరింత ప్రీమియంగా కనిపించవచ్చు. అయితే, ఒకే రంగులో విభిన్న టెక్స్చర్‌లు ఉన్న ఫ్యాబ్రిక్‌లను ఉపయోగించడం మరింత అట్రాక్షన్  రూపాన్ని సృష్టిస్తుంది. ఒక స్ట్రక్చర్డ్ బ్యాగ్, బెల్ట్, పాయింటెడ్ షూస్, బంగారు ఆభరణాలు, సన్‌గ్లాసెస్ లేదా ఒక స్టేట్‌మెంట్ యాక్సెసరీ ఒక నార్మల్  అవుట్‌ఫిట్‌ను కూడా గొప్పగా  మార్చగలవు. అతిగా యాక్సెసరీలను ధరించడానికి బదులుగా, తక్కువ , సరైన యాక్సెసరీలను ఎంచుకోవడం మంచిది.

షూస్ లేదా చెప్పులు..

 మొత్తం లుక్ లో బూట్లు , చెప్పులు కూడా ఒక ముఖ్యమైన భాగం. శుభ్రంగా , చక్కగా ఉన్న బూట్లు  మరింత స్టైలిష్‌గా కనిపించేలా చేస్తాయి, అయితే పాతబడిన లేదా మురికిగా ఉన్న బూట్లు  దుస్తుల వల్ల వచ్చిన మొత్తం అట్రాక్షన్ ను తగ్గించేస్తాయి.

                                    *రూపశ్రీ.