రవితేజ కొత్త చిత్రం"దరువు"
on Jan 7, 2012
రవితేజ కొత్త చిత్రం"దరువు". వివరాల్లోకి వెళితే శ్రీ వెంకటేశ్వర ఎంటర్ టైన్ మెంట్స్ పతాకంపై, మాస్ మహరాజా రవితేజ హీరోగా, తాప్సి హీరోయిన్ గా, "శౌర్యం" శివ దర్శకత్వంలో, సీనియర్ నిర్మాత బూరుగుపల్లి శివరామకృష్ణ నిర్మిస్తున్న భారీ చిత్రానికి "దరువు" అన్న పేరుని నిర్ణయించారు. ఈ చిత్రం పూర్తిగా మాస్ ఎంటర్ టైనర్ అని తెలిసింది.
ఈ "దరువు" చిత్రంలో హీరో రవితేజ పాత్ర ఎంటర్ టైన్ మెంట్ అందిస్తూనే చాలా ఎమోషనల్ గా ఉంటుందనీ యాక్షన్ సీన్లు కూడా ఉన్నాయట. "వీర" చిత్రం తర్వాత మళ్ళీ ఈ చిత్రంలో రవితేజ సరసన తాప్సి హీరోయిన్ గా నటిస్తూంది. ఈ "దరువు" చిత్రం రానున్న వేసవి శలవులో అంటే "మే" నెలలో విడుదలవుతుందని విశ్వసనీయవర్గాల ద్వారా అందిన సమాచారం.