ఈ మధ్య కాలంలో అన్నీ ఫ్యాషనైపోయాయి. దొంగతనం కూడా మన కళ్ళముందే జరిగిపోతున్నా మనం ఏమీ చేయలేకపోతున్నాం. అలాగే అమ్మాయిలు ఎదురుగా వచ్చేసరికి అబ్బాయిలు సైలెంట్ ఐపోవడం సినిమాల్లోనే కాదు బయట కూడా జరుగుతోంది. ఇక వాళ్ళు నిలువు దోపిడీ చేసుకుని వెళ్ళిపోయినా అబ్బాయిలు ఎం మాట్లాడరు... తర్వాత ఎప్పటికో నిద్రలేచి చూసుకుంటే అన్నీ స్వాహా. ఇదే కాన్సెప్ట్ ని రోల్ రైడా కొంచెం పోష్ గా చూపించాడు. రోల్ రైడ అంటే మాటల్నే పాటలుగా మార్చి పాడే వ్యక్తి అని తెలుసు. ఇప్పుడు కూడా అలాంటి ఒక కవర్ సాంగ్ ని రాసాడు.

దానికి శుభశ్రీ రాయగురు, అవినాష్ తో కలిసి ఒక వీడియో చేసాడు. రోల్ రైడా పాడుతుంటే వీళ్ళు డాన్స్ చేస్తూ కనిపించారు. ఐతే శుభశ్రీ తన అందంతో రోల్ రైడా తన పాటతో ఇద్దరూ కలిసి అవినాష్ ని దోచుకుంటారు. అవినాష్ కూడా వాళ్ళ మాయలో పడి ముందుగా గోల్డ్ చైన్ ని, తర్వాత కాస్టలీ వాచ్ ని, ఆ తర్వాత బ్రాండెడ్ కళ్లజోడుని కూడా శుభశ్రీకి ఇచ్చేస్తాడు. తర్వాత తన టీ షర్ట్ కూడా తీసి ఇచ్చేయబోతుంటే శుభశ్రీ అది దాచుకో అని కాస్ట్లీ ఐటమ్స్ ని తీసుకుని రోల్ రైడాతో కలిసి ఎంచక్కా చెక్కేస్తుంది. ఇది ఈ సాంగ్ వెనక అసలు థీమ్. ఈరోజున అమ్మాయిలు ఒకళ్ళను ప్రేమించి వాళ్ళను దోచుకుని మరొకరితో చెక్కేస్తున్నారన్న కాన్సెప్ట్ కూడా ఇందులో కనిపిస్తోంది. ఏదేమైనా సొసైటీలో జరిగే ఇష్యూతో వీళ్ళు ఒక వీడియో చేశారు. ఐతే నెటిజన్స్ మాత్రం తమకు ఈ సాంగ్ బాలేదని చెప్పేసారు. ఈ ముగ్గురూ కలిసి ఈ వీడియోని వాళ్ళ వాళ్ళ ఇన్స్టాగ్రామ్ పేజెస్ లో పోస్ట్ చేసుకున్నారు.