English | Telugu
"మీలాంటి గాళ్ఫ్రెండ్ కావాలి".. సునీతకు షాకిచ్చిన బుడ్డోడు!
Updated : May 29, 2021
సింగర్ సునీత ఇప్పుడు బుల్లితెరపై కూడా సందడి చేస్తున్నారు. 'డ్రామా జూనియర్స్' షోతో మళ్లీ తన అభిమానులకు దగ్గరవుతున్నారు. ఈ షోలో పిల్లలు చేసే స్కిట్లు చూసి సునీత బాగా నవ్వుతుంటారు. ఒక్కోసారి వారు చేసే స్కిట్లు, ఇచ్చే సందేశాలు చూసి ఎమోషనల్ అవుతుంటారు. అలా స్టేజ్ మీద కన్నీళ్లు పెట్టుకున్న సందర్భాలు చాలానే ఉన్నాయి. తాజాగా సునీతకు ఓ బుడ్డోడు షాకిచ్చాడు. నీలాంటి గర్ల్ ఫ్రెండ్ కావాలంటూ సునీతను అడిగేశాడు.
దీనికి సంబంధించిన వీడియో ఇప్పుడు బాగా వైరల్ అవుతోంది. సునీత రెండో పెళ్లి చేసుకున్న తరువాత సోషల్ మీడియాలో చాలా యాక్టివ్ గా ఉంటున్నారు. తన ఫాలోవర్లతో తరచూ టచ్ లో ఉంటున్నారు. ప్రతిరోజు రాత్రి 8 గంటలకు లైవ్ లోకి వచ్చి పాటలను ఆలపిస్తున్నారు. ఆ విధంగా ప్రేక్షకులను కొంతవరకు ఆనందింపజేయొచ్చనేది సునీత ఆలోచన. ఇదిలా ఉండగా ఇప్పుడు సునీత 'డ్రామా జూనియర్స్' షోలో సందడి చేస్తున్నారు.
పిల్లలతో కలిసి సునీత, రేణు దేశాయ్, ఎస్వీ కృష్ణారెడ్డి చేసే అల్లరి అందరినీ ఆకట్టుకుంటోంది. తాజాగా ఓ చిన్నపిల్లాడు ఆ షోలో 'మన్మథుడు' సినిమా స్పూఫ్ చేశాడు. ఆ స్కిట్ ను అందరూ ఎంజాయ్ చేశారు. స్కిట్ అనంతరం సునీత మాట్లాడుతూ.. ''నీకు గర్ల్ ఫ్రెండ్ కావాలంటే ఎలా ఉండాలో చెప్పు..?'' అంటూ ఆ బుడ్డోడిని ప్రశ్నించగా.. దానికి ఆ పిల్లాడు "మీలా ఉండాలి" అని చెప్పి షాకిచ్చాడు. ఆ తరువాత రేణు దేశాయ్ ఆ పిల్లాడితో కలిసి స్టేజ్ మీద డాన్స్ వేశాడు.