స్టార్ మా టీవీలో ప్రసారమవుతున్న సీరియల్ 'కార్తీకదీపం 2'(karthika Deepam2). ఈ సీరియల్ శుక్రవారం నాటి ఎపిసోడ్ -125 లో.... జ్యోత్స్న దీప రూమ్ కి తాళం వేస్తుంది. అలా ఎందుకు వేస్తున్నావని సుమిత్ర అడుగుతుంది. దీపని తీసుకొని‌ బావ రెస్టారెంట్ కి వెళ్ళాడని జ్యోత్స్న అనగానే.. నేనే శౌర్యకి ఆకలిగా ఉందంటే తీసుకొని వెళ్ళమన్నానని సుమిత్ర అంటుంది. అంటావ్ ఎటైనా సరదాగా కూడా తిరిగి రమ్మని బావని పంపిస్తావ్ అని జ్యోత్స్న అనగానే.. తనని కొట్టడానికి చెయ్ ఎత్తుతుంది సుమిత్ర. అప్పుడే దీప రావడం చూసి ఆగిపోతుంది. ఇదిలా తయారవ్వడానికి కారణం మీరే అంటు పారిజాతాన్ని సుమిత్ర తిడుతుంది.

అ తర్వాత జ్యోత్స్న, పారిజాతం లు వెళ్ళిపోతారు.‌ జరిగిన దాని గురించి సుమిత్ర కవర్ చేస్తుంటే.. అంత చూసానని దీప అంటుంది. ఇప్పుడు మనసు కొంచెం తేలిక అయింది కానీ అలా జ్యోత్స్న ఎప్పుడు అవుతుందో అని దీప అనగానే.. థాంక్స్.. జ్యోత్స్నని అర్థం చేసుకున్నందుకు అని సుమిత్ర అంటుంది. అ తర్వాత శౌర్య ఎక్కడ కన్పించడం లేదని సుమిత్ర అడుగగా.. అదిగో అక్కడ కూర్చొని ఉంది.. అలిగిందని చెప్తుంది. తనకి ఇష్టమైనవి వండాలంట.. నేనే వండుతానని దీప అంటుంది. మరొకవైపు కార్తీక్ ఇంటికి వెళ్లడంతోనే శ్రీధర్.. శౌర్యకి కార్తీక్ తినిపిస్తున్న ఫోటో చూపించి.. అవసరమా వాళ్ళని తీసుకొని వెళ్లడమని శ్రీధర్ కోప్పడతాడు. శౌర్యకి ఆకలిగా ఉందంటే తీసుకొని వెళ్ళాను.. అక్కడ తినిపించింది శౌర్యకి, దీపకి కాదని కార్తీక్ కోప్పడతాడు. అ ఫోటో పంపిన వాళ్లు ఎంత బాధపడుతున్నారో తెలుసా అని శ్రీధర్ అనగానే.. అది జ్యోత్స్న పంపించింది కదా.. తనని మనసుతో ఆలోచించమని చెప్పండని కార్తీక్ అంటాడు.

మరొకవైపు స్వప్న బాయ్ ఫ్రెండ్ సిటీ కి వస్తాడు. ఇన్ని రోజులు నాకు దూరంగా ఉన్నావంటూ స్వప్న అతనితో గొడవపడుతుంది. ఆ తర్వాత ఇద్దరు కలిసి రెస్టారెంట్ కి వెళ్తారు. అ తర్వాత కుబేర్ ఫోటో చూసి దీప ఎమోషనల్ అవుతుంది. మరొకవైపు పారిజాతం తన కొడుకు దాస్ గురించి ఆలోచిస్తుంది. అప్పుడే దాస్ వస్తాడు. ఎలా ఉన్నావని, ఎందుకు వచ్చావని పారిజాతం అడుగుతుంది. నా కూతురు కోసం వచ్చానని దాస్ అనగానే.. అది చనిపోయింది కదా అని పారిజాతం అంటుంది. నా కూతురు బ్రతికే ఉందని.. ఆ విషయం నాకు తెలుసని నీకు తెలియదని దాస్ అనుకుంటాడు. తన కూతురు ఉందన్న విషయం దాస్ కి తెలియదని పారిజాతం అనుకుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.