బిగ్ బాస్ సీజన్-7 రోజు రోజుకి ఉత్కంఠభరితంగా సాగుతుంది. కంటెస్టెంట్స్ తమ స్ట్రాటజీలతో ఆకట్టుకుంటున్నారు. తొమ్మిదవ వారం కంటెస్టెంట్స్ టాస్క్ లతో బిజీ అయిపోయారు.

'హాల్ ఆఫ్ ది బాల్' టాస్క్ లో వీర సింహాలు, గర్జించే పులలు పోటీ పడుతుండగా.. ఇందులో బిగ్ బాస్ ఒక గోల్డెన్ బాల్, ఒక బ్లాక్ బాల్ ఇచ్చాడు. ఇవి రెండు ఎవరికి వస్తాయో వారికి కొన్ని స్పెషల్ పవర్స్ ఉంటాయని బిగ్ బాస్ చెప్పిన సంగతి తెలిసిందే. పైపు నుంచి చిన్న చిన్న బాల్స్ రావడం.. రెండు టీమ్ లలోని వారు వాటిని పట్టుకొని వారి వారి సంచుల్లో దాచుకోవడం, వీలైనన్ని ఎక్కువ బాల్స్ ని దాచుకున్నవారే కెప్టెన్సీ కంటెండర్ రేస్ లో ఉంటారని బిగ్ బాస్ చెప్పాడు. అయితే నిన్నటి టాస్క్ లో గోల్డెన్ బాల్ గౌతమ్ కృష్ణ టీమ్ కి వస్తుంది. దాంతో వాళ్ళలోని భోలే షావలిని అవతలి టీమ్ లోని అంబటి అర్జున్ తో స్వాప్ చేసుకునే అవకాశాన్ని పొందారు. ఇక ఇప్పుడు గౌతమ్ కృష్, అంబటి అర్జున్, యావర్, టేస్టీ తేజ, రతిక, శోభాశెట్టి, అశ్విని వీళ్ల టీమ్ లో ఉన్నారు.

మరొక గేమ్ లో అంబటి అర్జున్, అమర్ దీప్ ఒకవైపు, శోభాశెట్టి, గౌతమ్ కృష్ణ మరొకవైపు ఉండి గేమ్ ఆడగా ఇందులో అమర్ దీప్, అంబటి అర్జున్ లు గెలుస్తారు. ఆ తర్వాత పోస్ట్ ద్వారా గెలిచిన వీరికి ఒక లెటర్ వస్తుంది. ఇందులో గెలిచిన వీర సింహాల టీమ్ కి 500 బాల్స్ వచ్చాయి. ఆ తర్వాత టాస్క్ ముగిసింది. మీ దగ్గర ఉన్న బాల్స్ ని జాగ్రత్తగా చూసుకోండని బిగ్ బాస్ రెండు టీమ్ లకి చెప్పాడు.