గత కొద్దిరోజులుగా బిగ్ బాస్ సీజన్-7  కంటెస్టెంట్స్ గురించి వార్తలు నెట్టింట వైరల్ గా మారుతున్నాయి. అయితే ఈ కంటెస్టెంట్స్ లిస్ట్ లో తాజాగా 'బ్యాంకాక్ పిల్ల' అనే పేరు ఎక్కువగా వినిపిస్తుంది. దానికి కారణం లేకపోలేదు. యూట్యూబ్ లోని బ్యాంకాక్ పిల్ల అనే యూట్యూబ్ ఛానెల్ ద్వారా తను అందరికి సుపరిచితమే. తను అప్లోడ్ చేసే వీడియోలు దాదాపు వైరల్ అవుతుంటాయి.

బిగ్ బాస్ సీజన్-7 కి సంబంధించిన లోగో తాజాగా విడుదలైన సంగతి తెలిసిందే. సెట్ పనులు కూడా సాగుతున్నట్టు తెలుస్తుంది. అయితే కంటెస్టెంట్స్ ఫైనల్ లిస్ట్ వచ్చిందంటూ వార్తలు నెట్టింట జోరుగా కొనసాగుతున్నాయి. అందులో కామెడీ షో నుండి ఒకరు, యాంకర్ నుండి మరొకరు, కామన్ మ్యాన్ కేటగిరీ నుండి ఈ సారి ముగ్గురు లేదా నలుగురిని తీసుకుంటున్నట్టుగా సమాచారం. అయితే ఈ కామన్ మ్యాన్ కేటగిరీలో 'బ్యాంకాక్ పిల్ల' వెళ్తుందని తెలుస్తోంది. బ్యాంకాక్ పిల్ల పూర్తి పేరు శ్రావణి సమంతపూడి. తన కుటుంబంతో కలిసి శ్రావణి బ్యాంకాక్ లో ఉంటుంది. 'బ్యాంకాక్ పిల్ల' పేరుతో తను సొంతంగా ఒక యూట్యూబ్ ఛానెల్ ని క్రియేట్ చేసి పాపులారిటీ తెచ్చుకుంది.

బ్యాంకాక్ లో తను ఉండే ఇంటిని, చుట్టుపక్కల టూరిస్ట్ ప్రదేశాలని, టెంపుల్స్ ని చూపిస్తూ వ్లాగ్ లు చేసి బ్యాంకాక్ పిల్ల యూట్యూబ్ ఛానెల్ లో అప్లోడ్ చేయగా లక్షల్లో వ్యూస్ వస్తున్నాయి. అయితే మూడు రోజుల క్రితం 'ఇండియాకి వచ్చేశాం' అంటూ తన ఛానెల్ లో అప్లోడ్ చేసిన వ్లాగ్ కింద ఆల్ ది బెస్ట్ ఫర్ బిబి-7 అంటూ తెగ కామెంట్స్ రావడంతో ఒక్కసారిగా బిగ్ బాస్ సీజన్-7 లోకి వెళ్తుందేమోనని అందరిలో సందేహం మొదలైంది‌. దీంతో తనే స్వయంగా మరొక వీడియోని చేసింది బ్యాంకాక్ పిల్ల. 'నేను బిగ్ బాస్ కి.. బిగ్ బాస్ ఎంట్రీ‌‌.. మై ఫ్యామిలీ రియాక్షన్స్' అంటూ ఒక వ్లాగ్ ని చేసింది. అందులో తన గురించి బిగ్ బాస్ లోకి వెళ్తున్నట్లు  యూట్యూబ్ లలో వస్తున్నటువంటి వాటిని చూపిస్తూ.‌. వీటిని ఎందుకు ఇలా క్రియేట్ చేస్తున్నారో నాకు తెలియదు. నాకైతే బిగ్ బాస్ నుండి ఏ పిలుపు రాలేదు. ఒకవేళ బిగ్ బాస్ లో అవకాశం వస్తే, పిల్లలతో కలిసి వెళ్తానని, పిల్లలు లేకుండా ఎక్కడికి వెళ్ళనని బ్యాంకాక్ పిల్ల ఈ వీడియోలో చెప్పుకొచ్చింది.