English | Telugu
ఇమ్మూ కాదంటే ఊపిరి ఆగిపోతుందన్న వర్ష!
Updated : Aug 11, 2022
ఖతర్నాక్ కామెడీ షో `జబర్దస్త్`. ఈ షోలో ప్రేమ జంటల మధ్య లవ్ ట్రాక్ గత కొంత కాలంగా నడుస్తున్న విషయం తెలిసిందే. ఢీ డ్యాన్స్ షోతో పాటు జబర్దస్త్ కామెడీ షోలోనూ సుడిగాలి సుధీర్, రష్మీ గౌతమ్ ల జోడీ ఏ స్థాయిలో పాపులర్ అయిందో తెలిసిందే. ఇప్పుడు అదే స్థాయిలో మరి కొన్ని జంటలు వార్తల్లో నిలుస్తున్నాయి. అందులో ఇమ్మానుయేల్, వర్షల జంట ముందు వరుసలో నిలుస్తోంది. ఈ ఇద్దరి మధ్య గత కొంత కాలంగా లవ్ ట్రాక్ నడుస్తున్న విషయం తెలిసిందే. వీరి ప్రేమాయణం కామెడీనా? లేక సీరియస్ గానే వీరు ప్రేమలో వున్నారా? అని చాలా రోజులుగా అందరిలో అనుమానం వుంది.
అయితే తాజాగా ఈ విషయంలో ఎలాంటి అనుమానం అవసరం లేదని వర్ష క్లారిటీ ఇచ్చే ప్రయత్నం చేసింది. గతంలో కొన్ని వారాల పాటు జబర్దస్త్ కు దూరంగా వుంటూ వచ్చిన వర్ష మళ్లీ రీ ఎంట్రీ ఇచ్చింది. అయితే ఇమ్మానుయేల్ కు దూరంగా వుంటూ వచ్చింది. దీంతో వీరి లవ్ ట్రాక్ బెడిసి కొట్టిందా? అంటూ నెట్టింట ట్రోల్స్ వినిపించాయి. అయితే వాటికి చెక్ పెడుతూ వర్ష తాజా ఎపిసోడ్ లో క్లారిటీ ఇచ్చింది. ఇద్దరి మధ్య వున్న ప్రేమని మరోసారి బయటపెట్టింది. ఇమ్మానుయేల్ లేకపోతే తాను బతక లేనని చెప్పేసి షాకిచ్చింది.
తాజా ఎపిసోడ్ కు సంబంధించిన ప్రోమోని విడుదల చేశారు. కెవ్వు కార్తీక్ మ్యాన్ హోల్ లో పడిపోవడం.. నవ్వులు పూయిస్తోంది. యమ ధర్మరాజు గెటప్ లో గెటప్ శ్రీను చేసిన హంగామా అంతా ఇంతా కాదు. మళ్లీ తిరిగొచ్చిన గెటప్ శ్రీను ..ఆటో రాంప్రసాద్ తో కలిసి జబర్దస్త్ ను మళ్లీ గాడిలో పెట్టే ప్రయత్నం చేస్తున్నాడు. ఈ నేపథ్యంలోనే `యమలోకం` స్కిట్ ని ప్రదర్శించారు. ఈ స్కిట్ లోనే వర్ష ఎమోషనల్ అవుతూ ఇమ్మానుయేల్ లేకపోతే, తను కాదంటే నా ఊపిరి ఆగిపోతుంది అంటూ షాకిచ్చింది. దీనికి సంబంధించిన ప్రోమో ప్రస్తుతం నెట్టింట సందడి చేస్తోంది.