English | Telugu

ఎవరీ అమ్మాయి.. ఇంత టాలెంటెడ్‌గా ఉంది.. మీరు గుర్తుపట్టారా?

ఎవరీ అమ్మాయి.. ఇంత టాలెంటెడ్‌గా ఉంది.. మీరు గుర్తుపట్టారా?

సినిమా రంగానికి వచ్చి హీరోలు, హీరోయిన్లుగా మంచి పేరు తెచ్చుకున్న వారిలో ఎక్కువ శాతం నటనపై ఉన్న ఆసక్తితో వచ్చినవారే. కానీ, కొందరు మాత్రం అనుకోకుండా సినిమా రంగానికి వచ్చి స్థిరపడ్డారు. వారికంటూ ఓ గోల్‌ వుంటే దానికి భిన్నంగా నటనను వృత్తిగా తీసుకున్నారు. ఈమధ్యకాలంలో సాయిపల్లవి, మీనాక్షి చౌదరి, శ్రీలీల వంటి హీరోయిన్లు డాక్టర్లుగా స్థిరపడాలని అనుకున్నారు. కానీ, సినిమా అవకాశాలు రావడంతో ఈ రంగంలోనే తమ ప్రతిభని నిరూపించుకుంటున్నారు. అలాంటి వారిలో నివేదా పేతురాజ్‌ కూడా ఒకరు. క్రీడారంగంలో పేరు తెచ్చుకోవాలని కలలు కన్న నివేదా అనుకోకుండా హీరోయిన్‌ అయిపోయింది. సినిమా బ్యాక్‌గ్రౌండ్‌ అనేది లేకుండా నటిగా ఇండస్ట్రీకి వచ్చి తనను తాను ప్రూవ్‌ చేసుకుంది. 

మొదట్లో కార్‌ రేసింగ్‌లో పాల్గొని మంచి పేరు తెచ్చుకోవాలని కలలు కన్న నివేదా అందులో రాణించడం కోసం ప్రత్యేకంగా శిక్షణ కూడా తీసుకుంది. దీనికి సంబంధించిన అనేక పోటీల్లో పాల్గొని బహుమతులు కూడా గెలుచుకుంది. ఓ పక్క నటిస్తూనే కార్‌ రేసింగ్స్‌లో కూడా పాల్గొంటోంది. ఇప్పుడు ఆమెకు సంబంధించి ఓ కొత్త విషయం బయటకు వచ్చింది. ఆమె కార్‌ రేసరే కాదు బ్యాడ్‌మింటన్‌ ప్లేయర్‌ కూడా. ఇటీవలే ఓ టోర్నమెంట్‌లో పాల్గొని విజేతగా నిలిచింది. దానికి సంబంధించిన ఫోటోలు సోషల్‌ మీడియాలో చూసి అందరూ షాక్‌ అవుతున్నారు. నివేదాలో ఇంత టాలెంట్‌ దాగి ఉందా అని కామెంట్స్‌ పెడుతున్నారు. ఏది ఏమైనా సినిమా రంగంలో సరైన బ్రేక్‌ కోసం ఎదురుచూస్తున్న నివేదా.. క్రీడారంగంలో కూడా రాణించడం ఎంతో గొప్ప విషయమని నెటిజన్లు ఆమెను ప్రశంసలతో ముంచెత్తుతున్నారు. 

తమిళనాడులోని మధురైలో జన్మించిన నివేదా పేతురాజ్‌ తన విద్యాభ్యాసం దుబాయ్‌లో కొనసాగించింది. కార్‌ రేసింగ్‌, బ్యాడ్‌మింటన్‌లలో ప్రావీణ్యం ఉన్నప్పటికీ  మోడలింగ్‌ రంగంపై కూడా ఆసక్తిని పెంచుకొని యుఎఇలో జరిగిన మిస్‌ ఇండియా పోటీల్లో పాల్గొని టైటిల్‌ గెలుచుకుంది. ఆ తర్వాత మిస్‌ ఇండియా వరల్డ్‌ వైడ్‌ పోటీల్లోనూ పాల్గొంది. మెంటల్‌ మదిలో చిత్రంతో తెలుగు ప్రేక్షకులకు పరిచయమైంది. ఆ తర్వాత టిక్‌ టిక్‌ టిక్‌, చిత్రలహరి, బ్రోచేవారెవరురా, అల వైకుంఠపురములో, రెడ్‌, పాగల్‌ వంటి సినిమాల్లో నటించింది. అయితే ఆమెకు హీరోయిన్‌గా సరైన బ్రేక్‌ రాలేదు. సినిమాల్లో నటిస్తూనే క్రీడల్లో రాణించే ప్రయత్నం చేస్తున్న నివేదా హీరోయిన్‌గా కూడా పేరు తెచ్చుకునేందుకు ప్రయత్నిస్తోంది.