ముక్కోణపు ప్రేమ కథగా ప్రేక్షకుల ముందుకు వచ్చిన 'బేబీ' సినిమా బాక్సాఫీస్ దగ్గర అంచనాలకు మించిన సంచలనాలు సృష్టిస్తోంది. వరల్డ్ వైడ్ గా రూ.7.40 థియేట్రికల్ బిజినెస్ చేసిన బేబీ.. రెండు రోజుల్లోనే బ్రేక్ ఈవెన్ కి చేరువై ట్రేడ్ వర్గాలనే ఆశ్చర్యపరిచింది. మూడో రోజుకే లాభాల్లోకి ఎంటరైన ఈ సినిమా ఫుల్ రన్ లో రూ.20 కోట్ల షేర్ రాబట్టినా ఆశ్చర్యంలేదనే అభిప్రాయాలు వ్యక్తమవుతున్నాయి.

తెలుగు రాష్ట్రాల్లో మొదటి రోజు రూ.2.60 కోట్ల షేర్, రెండో రోజు రూ.2.98 కోట్ల షేర్ రాబట్టిన బేబీ సినిమా.. రెండు రోజుల్లో రూ.5.58 కోట్ల షేర్ తో సత్తా చాటింది. ఏరియాల వారీగా చూస్తే రెండు రోజుల్లో నైజాంలో రూ.2.55 కోట్ల షేర్, సీడెడ్ లో రూ.70 లక్షల షేర్, ఆంధ్రాలో రూ.2.33 కోట్ల షేర్ కలెక్ట్ చేసింది. ఇక రెస్టాఫ్ ఇండియా రూ.26 లక్షల షేర్, ఓవర్సీస్ లో రూ.1.20 కోట్ల షేర్ వసూలు చేసిన బేబీ.. రెండు రోజుల్లో వరల్డ్ వైడ్ గా రూ.7.04 కోట్ల షేర్(13.30 కోట్ల గ్రాస్)తో సత్తా చాటింది.

వరల్డ్ వైడ్ గా మొదటి రోజు రూ.3.48 కోట్ల షేర్, రెండో రోజు రూ.3.56 కోట్ల షేర్ రాబట్టిన బేబీ.. మూడో రోజైన ఆదివారం నాడు మరో రూ.3.50 కోట్ల షేర్ రాబట్టే అవకాశముంది. అంటే మూడు రోజుల్లోనే పది కోట్లకు పైగా షేర్ రానుంది. ఓ చిన్న సినిమాకి ఈ స్థాయి ఓపెనింగ్స్ రావడం నిజంగా విశేషమే. జూలై 28న 'బ్రో' విడుదలయ్యే వరకు బాక్సాఫీస్ దగ్గర పెద్ద సినిమాల తాకిడి లేదు. దీంతో బేబీ మరో పది రోజులు వసూళ్లు రాబట్టడానికి మంచి అవకాశముంది. యూత్ ని ఆకట్టుకుంటున్న ఈ సినిమా ఫుల్ రన్ లో ఏ స్థాయిలో వసూళ్లు రాబడుతుందో చూడాలి.