English | Telugu
జులాయి మళ్ళీ మొదలయ్యింది
Updated : Dec 6, 2013
"జులాయి" చిత్రం తరువాత అల్లు అర్జున్, త్రివిక్రమ్ కాంబినేషన్ లో మరో చిత్రం తెరకెక్కబోతుంది. "అత్తారింటికి దారేది" వంటి బ్లాక్ బస్టర్ హిట్ చిత్రం తర్వాత త్రివిక్రమ్ మరోసారి తన మార్క్ స్టైల్ కొత్తదనాన్ని ఈ చిత్రంలో చూపించనున్నాడు. ఈ చిత్ర రెగ్యులర్ షూటింగ్ ఫిబ్రవరిలో ప్రారంభం కానుంది. రాధాకృష్ణ ఈ చిత్రాన్ని నిర్మించబోతున్నాడు. ప్రస్తుతం ఈ చిత్రంలోని నటీనటుల ఎంపిక, అదే విధంగా బన్నీకి సరైన జోడి హీరోయిన్ ను వెతికే పనిలో ఉన్నాడు త్రివిక్రమ్. దేవిశ్రీప్రసాద్ సంగీతం అందించనున్నాడు. అదే విధంగా "రేసు గుర్రం" షూటింగ్ లో బిజీగా ఉన్నాడు బన్నీ. సురేందర్ రెడ్డి దర్శకత్వంలో తెరకెక్కుతున్న ఈ చిత్ర ఫస్ట్ లుక్ ను రేపు విడుదల చేయనున్నారు. త్వరలోనే ఈ చిత్రాన్ని ప్రేక్షకుల ముందుకు తీసుకురాబోతున్నారు.