అవునంటున్నారు ప‌ర్యావ‌ర‌ణ వేత్త‌లు. కాపర్ వాడితే కరోనా వైరస్ నిమిషాల్లోనే చనిపోతుందట! ప్రస్తుతం ప్రపంచాన్ని వణికిస్తున్న ఈ వైరస్ ను కాపర్ తో చెక్ పెట్ట‌వ‌చ్చ‌ట‌. కాపర్ మన చెంత ఉంటే కరోనా మన దరి చేరే అవకాశమే లేదంటున్నారు యూనివర్శిటీ ఆఫ్ సౌతాంఫ్టన్ లోని ఎన్విరాన్మెంటల్ హెల్త్ కేర్ ఫ్రొఫెసర్ బిల్ కీవిల్. కరోనా వైరస్ నాలుగు నుంచి ఐదు రోజుల వరకు జీవించగలదు. అయితే ఆ వైరస్... రాగిపై, మరియు ఇత్తడి వంటి కాపర్ మిశ్రమాలపై ల్యాండ్ అయితే మాత్రం కొన్ని నిమిషాల్లోనే చనిపోతుందట‌.

ఆసుపత్రులలో రాగిని తిరిగి తీసుకురావడానికి సమయం ఆసన్నమైందని కీవిల్ అభిప్రాయపడ్డారు. ప్రపంచ మహమ్మారిలతో (గ్లోబల్ పాండమిక్స్) నిండిన అనివార్యమైన భవిష్యత్తు దృష్ట్యా మనమందరం ఆరోగ్య సంరక్షణలో, ప్రజా రవాణా, ఇళ్లలో కూడా రాగిని ఉపయోగించాలని ఆయన తెలిపారు. కరోనా వైరస్(COVID-19)ను ఆపడానికి చాలా ఆలస్యం అయితే, భవిష్యత్తులో వచ్చే మహమ్మారి గురించి ఆలోచించడానికి సమయం మించిపోలేదని ఆయన అన్నారు.

భారత్ లో వేల సంవత్సరాల నుంచి ఏదైనా ద్రవాలు తీగేందుకు కాపర్ కప్ లను ఉపయోగిస్తుంటారని ఆయన తెలిపారు. కాపర్ సాధారణన,నిష్క్రియాత్మ(ఎదురుతిరగని),యాంటీమైక్రోబయాల్ మెటీరియల్ అని ఆయన అన్నారు. ఇది కరెంట్ లేదా బ్లీచ్ అవసరం లేకుండానే దాని ఉపరితలాన్ని స్వీయ-క్రిమిరహితం చేస్తుందన్నారు.

ఇన్ ఫ్యూయంజా,ఈ కోలి వంటి బ్యాక్టీరియా, MRSA వంటి సూపర్ బగ్స్ లేదా ఇప్పుడు ప్రపంచదేశాలను వణికిస్తున్నాయి. ఈ నేప‌థ్యంలో ఆరోగ్య భ‌ద్ర‌తను దృష్టిలో పెట్టుకొని కాప‌ర్ వినియోగం పెంచాల‌ని ప‌ర్యావ‌ర‌ణ వేత్త‌లు సూచిస్తున్నారు.