మీలో ప్రతిబింబిస్తా
మీలో ప్రతిబింబిస్తా
విరిగితే అతుకుపడకున్నా
హృదయంలేని ఎన్నో మనసులకన్నా నేనే మిన్న!
స్వచ్ఛతకు, సౌకుమార్యానికి నాదే అగ్రతాంబూలం
రూపలావణ్యానికి నకలునునేను
ఉన్నదున్నట్లు చూపడమే నాకు తెలుసు
పలకరించే ప్రతివాళ్ళూ నావాళ్ళే
కుడిఎడమల తేడాలే తెలియని నాకు
మసిపూయడాలు, మారేడు చేయడాలు అసలే తెలియదు
నేరమూలాన్ని పరావర్తనంతో వెలికితీస్తూ
చట్టాన్ని జీవింపజేసే
న్యాయమూర్తి గుండెగుడిలో కొలువుతీరిన నేను
ధర్మదేవతకు నిలువటద్దాన్ని!
ప్రేమ మందిరంలో వెలసిన నేను
నిత్యమైన, సత్యమైన అనురాగానికి దర్పణాన్ని!
తలకట్టుతో రూపురేఖల్ని తీర్చిదిద్దుకున్నట్లే
తలపుల సవరింపులతో మనిషి మనీషిగా మారాలనే నేను
మీ సౌందర్య నిలయాలలోని సొగసుటద్దాన్ని!
మౌనంగా పలకరించే మీ నేస్తాన్ని
మీ నవ్వుతో శ్రుతికలిపే స్నేహహస్తాన్ని
మిమ్ముల పీడించే కులమత భేదాలు
మిమ్ముల వేధించే వర్ణవర్గ భాషాప్రాంత వైషమ్యాలు
నన్నేమీ చేయలేవు
ఇవేవీ అంటని నాతో చేయి కలిపి
మీరూ స్వేచ్ఛా జీవనాన్ని ఆరంభించండి!
ఆ నవశకనానికి ఈరోజే తొలిరోజు కావాలని
కలలుకంటున్నా
నా ప్రతిబింబాన్ని మీలో చూచుకొని
మురిసిపోవాలని ఆరాటపడుతున్నా!
- మాచవోలు శ్రీధరరావు
సాహితీ కిరణం మాసపత్రిక సౌజన్యంతో
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |