ఏదో చెప్పాలనిపించి
ఏదో చెప్పాలనిపించి
ఒక్కో రోజు
ఒక ప్రశ్నా పత్రాన్ని
మన చేతికి ఇస్తుంటాడు
సృష్టికర్త
దానిలో గట్టెక్కడం
మన నడకలో, నడతలో ఉంది
వెతికి
చూసుకున్న తర్వాతే
తెలిసింది
నా చిరునామాలో
నేను లేనన్న నిజం
ప్రేమను
నన్ను పెంచిపోషించే
ఓ ఎరువనుకున్నాను
కానీ
అదే
నా ప్రత్యర్ధి అయ్యింది
ఇది కవిత కాదు
రాస్తున్న
నా పెన్ను ద్వారా
కారుతున్న
నా కన్నీరని
ఎవరికి తెలిసినా
తెలియకున్నా
నీకు తెలిస్తే చాలు
నా ఒక్కో
కన్నీటి చుక్కా
తాజ్ మహలే
ఈ భూమ్మీద పడ్డాం
రా
మన వాటా కన్నీటిని
ఆఖరి బొట్టు వరకు
కార్చేద్దాం
అనాధగా
ఏడుస్తోంది
మన ఇద్దరికీ పుట్టిన
ప్రేమ
నా కవితలు
ఆరిన గాయాల
మచ్చలు
అనుభవమూ
ఒక ఆయుధమే
ఒకే సూర్యుడే
వేర్వేరు రోజుల్ని
మన ముందు ఉంచుతున్నాడు
- యామిజాల జగదీశ్
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |