అక్షరం - నేను
అక్షరం - నేను
- డా. ఎ. రవీంద్రబాబు
అక్షరం ముందు నేనెప్పుడూ
ఓడిపోతూనే ఉంటాను.
అక్షరం వెలుగులో
కాలిపోతూనే ఉంటాను.
అక్షరమే నేనై మరణానికి
దగ్గరవుతూ ఉంటాను.
అయినా...
అక్షరాన్ని ప్రేమగా లాలిస్తాను.
ఆలోచనల అన్నం పెట్టి భావాలతో బుజ్జగిస్తాను.
స్నేహంగా నడిపించి ప్రవాహంలా పరిగెత్తిస్తాను.
ఒడిలో పడుకోబెట్టుకుని లాలనగా స్పరిస్తాను.
ఊహల దుస్తులు తొడిగి భ్రమల లోకాల్లో విహరింపజేస్తాను.
వాస్తవంగా నేలపై ఆటలాడిస్తాను.
చివరకు అక్షరాన్ని ఆప్యాయంగా అక్కున జేర్చుకుంటాను.
అయినా అక్షరం....
నాపై దాడిచేస్తుంది.
నిస్సహాయుడిని చేసి నవ్వేస్తుంది.
స్వైర విహారం చేస్తూ తెగ సంబరపడిపోతుంది
దహించేస్తూ... దగాచేస్తూ...
దాదాగిరి చేస్తూ... దర్జాగా బతికేస్తుంది.
ఏ అర్థరాత్రో తటిల్లతా కౌగిలించుకుంటుంది.
నగ్నంగా... నిర్భయంగా... భయంకరంగా...
ఉక్కిరి బిక్కిర చేసి ఊపిరి తీయాలనుకుంటుంది.
అప్పుడు నేను నిట్టూర్పులు విడుస్తూ...
అర్థ నిమీలిత నేత్రాల కాంతులతో
కాలి బూడిదై పోతాను.
చివరకు నేనే అక్షరాన్నై... ఆవిష్కృతమవుతాను.
అక్షరమే నేనై... ఆనంద తత్త్వాన్ని పొందుతాను.
అలా... అలా... అలా...
సంతోషంలో... నేను.
నా... అక్షరం.
అందుకే...
అక్షరం ముందు
మళ్లీ మళ్లీ ఓడిపోవాలనుకుంటాను
మళ్లీ మళ్లీ ఓడిపోవాలనుకుంటాను
ఆ ఆకృతిలో లీనమై కరిపోవాలనుకుంటాను.
ఆ రస రమ్య లోకాల్లో రాలిపోవాలనుకుంటాను.
అసలు... అక్షరమంటే...!
అక్షరమంటే...!!
క్షరమంటే...!!!
రమంటే...!!!
మంటే...!!!!
టే...!!!! ?
మీ ఓట్ల కోసం వస్తున్నాం మీ ఓట్లతో రాజ్యాధికారంలోకి వస్తున్నాం. కంపెనీల పేరు చెప్పి మీ భూమిని లాగేస్తున్నాం అభివృద్ధి కావాలంటే? మీ భూములు మాకు ఇవ్వాలె ! ఉద్యోగాలు కావాలంటే? ఉన్నదంతా ఇచ్చేయాలి..!
Dec 17, 2025
ఆహరం లేక, ఆక్సిజన్ అందక చనిపోయేవాళ్లు కొందరు.. ఆహరం, ఆక్సిజన్ తో వ్యాపారం చేస్తూ బ్రతికేవాళ్లు కొందరు...
Nov 29, 2025
బ్రతుకుబండిని గమ్యంవైపుకు నడిపిస్తూ విశ్రాంతి లేక వడలిపోయి కొందరు వారసత్వ సంక్రమణ ఆరోగ్య అవలక్షణాలు వృత్తి వ్యవహార ఒత్తిళ్ళతో నలిగి నీరసించి మరికొందరు!
Nov 4, 2025
అప్పుడప్పుడు అనిపిస్తుంటుంది కాల ప్రవాహాన్ని ఎదురీది గడచిన మజిలీలకు మళ్ళీ చేరాలని
Sep 12, 2025
ఓ బొజ్జ గణపయ్య నీ భక్తులమ్మేమయ్య చవితి చంద్రున్ని చూస్తిమేమోనయ్య సతమతమవుతూ సాగుతుంటిమయ్య!
Aug 26, 2025
కృషీవలురకు శక్తినివ్వు కలల వయసుకు నింగినివ్వు బెరుకు సొగసుకు ధైర్యమివ్వు గడుసు మొరటుని బెదరనివ్వు!
Mar 29, 2025
ఉగాది పాట రంజితమై లోక శోభితమై నేటి ఆమనిలో పలుకు పావనివై గాన కోకిలమ్మ!
Mar 29, 2025
 |