TeluguOne Services
Copyright © 2000 - , TeluguOne Sahityam - All rights reserved.
జెర్నీ
భారంగా పరిగెడుతున్న చిక్కటి అలలా
ఆశలు అనంత దూరాలు పయనిస్తున్నపుడు
అది అలుపెరుగని నిరంతర ప్రవాహమని తెలిసి
ఏ తీరం చేరని కలల భారాన్ని మోస్తున్న హాయి
నేను నా చుట్టు ఎప్పటికప్పుడూ
పెనవేసుకుంటున్న ఓ స్వేచ్ఛను
మౌనాల్ని నిర్భయంగా వింటున్న కాళరాత్రిలో
దూరంగా కీచురాయి శబ్ధం ఆ నిశ్శబ్ధాన్ని ఏం చేయగలదు?
మరో మౌనాన్ని గంభీరంగా కోరుకోవటం తప్ప..
నా ఆశలు అలల్లా నిరంతరం కెరటాలైపోతున్నపుడు మరో తీరమెపుడూ
స్వేచ్ఛావిహంగమై రమ్మంటూ
ఎదురుచూస్తూనే ఉంటుంది
దాని కల నిజమవకపోయినా నా పయనం ఆగదు
నేనో అలుపెరుగని బాటసారి
- సరిత భూపతి
TeluguOne Services
Copyright © 2000 - , TeluguOne Sahityam - All rights reserved.
|