TeluguOne Services
Copyright © 2000 - , TeluguOne Sahityam - All rights reserved.
ఇంపు కోసం
నాకో గుప్పెడు గాలి కావాలి...
పైరగాలి మరిచిన
పల్లెల మీదకు విసరడానికి !!
ఊరికో గంపెడు
కోయిలలు కావాలి...
టీవీల రోదన లో
వసంతాలు మర్చిన
మర మనుషులకు
సీమతమ్మ చెట్ల మీద వాల్చి
కుహు కుహూల
గీతం వినిపించటానికి !!
బీటలు పట్టని
వీధి అడుగులు కావాలి..
ఎదురు చూపులతో
అలసి సొలసిన వార్ధక్యానికి
పలకరింపులతో
సింహాసనం వెయ్యాటానికి !!
ఓ చెంబుడు అమృతం కావాలి..
కాలుష్యం అయిన సింధువు లను
తేట చేయడానికి..
చిటికెడు చిలక పలుకులు
అరువు కావాలి..
అమ్మ ఒడి ఉయలలు లేక
ఆటపాటలు అన్ని ఇరుకు గదుల
పాలయియిన నేటి బాల్యాన్ని
కేరింతలతో జత చేయడానికి
ఇంద్రధనస్సు దొంగిలించాలి..
పొట్టకూటి కోసం
ఉరుకుల పరుగుల
జీవనంతో అలసిన
నగరానికి చినుకుల
పులకరింతల రంగులు
హృదిన నింపడానికి!!
అందుకే నాకెప్పుడు
అంతులేని ఆనందాలు కావాలి..
జనంతో మనం కావాటానికి !!
కవిత రాయల
క్రొత్త పాత కోరికల్ని కలబోసి మస్తిష్కపు బస్తాల్లో ఉబ్బేట్టుగా నింపి చిరుకోర్కెనైనా విడువనిష్టపడక బలమైన ఆశలబంధంతో కుట్లువేసి కాలం రథమ్మీద ప్రయాణిస్తూ శోభకృత్ పొలిమేర దాటుకుంటూ క్రోధి గ్రామం చేరుకుంటూ సగటు ఓటరు మహాశయులు!
Apr 8, 2024
శిశిరంలో చలిపులి గజదొంగగారు నిత్యంతనువంతా తీవ్రంగా తడిమేస్తూ సిరిసంపదలేం దోచుకోబోయారో దౌర్జన్యాల దాష్టికాలేంజేయబోయారో!
Apr 6, 2024
|
|