మటన్ పులావ్

 

 

మటన్ పులావ్

 

కావాల్సిన పదార్ధాలు:

బాసుమతి బియ్యం - పావు కేజీ

మటన్ - 300 గ్రా

నూనె/నెయ్యి - నాలుగు టేబుల్ స్పూన్స్

మటన్ ఉడికించడానికి నీరు - అర కప్పు

పులావ్ వండడానికి నీరు - ఒక కప్పు

దాల్చిన చెక్క - రెండు

లవంగాలు - ఆరు

యాలకులు - ఆరు

షాహీ జీరా - ఒక టీస్పూన్

నల్ల యాలుక - ఒకటి

బిరియానీ ఆకు - ఒకటి

ఉల్లిపాయలు - ఒక కప్పు

పచ్చిమిర్చి - ఆరు

గరం మసాలా - ఒక టీ స్పూన్

పసుపు – పావు టీ స్పూన్

వేయించిన జీలకర్ర పొడి - అర టీ స్పూన్

ఉప్పు - తగినంత

అల్లం వెల్లులి పేస్ట్ - రెండు టేబుల్ స్పూన్స్

రోజ్ వాటర్ - రెండు టేబుల్ స్పూన్స్

తయారీ విధానం:

* కుక్కర్ లో నూనె పోసి అందులో లవంగాలు, దాల్చిన చెక్క, నల్ల యాలుక, షాహీ జీరా, యాలకులు వేసి వేపుకోవాలి.

* అవి వేగాక ఉల్లిపాయ, పచ్చిమిర్చి చీలికలు వేసి ఎర్రగా వేపుకోవాలి.

* ఉల్లిపాయలు ఎర్రబడుతుండగా అల్లం వెల్లులి పేస్ట్ వేసి వేపుకోవాలి.

* ఆ తర్వాత మటన్ వేసి 4-5 నిమిషాలు వేపుకోవాలి. వేపుకున్న మటన్‌లో కారం, జీలకర్ర పొడి, ఉప్పు, పసుపు తగినన్ని నీళ్ళు పోసి మటన్ మెత్తగా ఉడక నివ్వాలి.

* మటన్ ఉడికిన తరువాత 1 కప్పు నీరు ఉంటుంది. అందులో నానబెట్టిన బియ్యం, ఉప్పు, మరో కప్పు కంటే కాస్త తక్కువ నీరు, వేసి కుక్కర్ మూత పెట్టి మీడియం ఫ్లేమ్ మీద 1 విసిల్ రానిచ్చి స్టవ్ ఆపేసి 20 నిమిషాలు వదిలేయాలి .

* 20 నిమిషాల తరువాత అడుగునుండి కలిపి మిర్చీ కా సాలన్ ఇంకా పెరుగు చట్నీతో సర్వ్ చేసుకోవాలి.