Read more!

Kobbari Sweet Pongal (Navratri Special Day 1)

 

 

 

నవరాత్రులు మొదటిరోజు కొబ్బరి తీపి పొంగలి

 

 

రేపటి నుంచి నవరాత్రులు. అమ్మవారికి రోజుకి ఒక రకమైయిన తీపి చేసి నైవేద్యం పెడతాం కదా . రేపు ఉదయాన్నే పూజ చేసి ఆరగింపుగా ఈ కొబ్బరి పొంగలి చేసి చూడండి . అమ్మవారికే కాదు ఇంటిల్లి పాదికీ నచ్చే వంటకం ఇది. 

 

కావలసిన పదార్దాలు:-
బియ్యం                                                        - ఒక కప్పు 
పెసర పప్పు                                                  - ఒక కప్పు 
బెల్లం                                                            - ఒక కప్పు 
కొబ్బరి తురుము                                            - అర కప్పు 
నెయ్యి                                                           - పావు కప్పు 
జీడిపప్పు                                                       - రుచికి తగినంత 
కిస్మిస్                                                            - తగినంత 


తయారీ విధానం:-

1. ముందుగా కుక్కర్ లో బియ్యం , పెసరపప్పు , పోసి 6 కప్పుల నీళ్ళు పోసి ఉడికించుకోవాలి . 3 విసిల్స్ వచ్చాకా సిం లో ఓ పది నిముషాలు పెడితే మెత్తగా అవుతుంది .

2. అలా ఉడికిన అన్నం పప్పు మిశ్రమాన్ని బాగా మెత్తగా మెదిపి పక్కన పెట్టుకోవాలి.

3. ఇప్పుడు బాణలి లో నెయ్యి వేసి జీడి పప్పు , కిస్మిస్ వేసి కొంచం వేగాక మెదిపిన అన్నం మిశ్రమం వేసి కలపాలి . ఆ తర్వాత బెల్లం తురుము కూడా వేసి ఉడికించాలి . ఇక దించే ముందు కొబ్బరి తురుము వేసి బాగా కదిపి స్టవ్ ఆపేయాలి . ఆ వేడికి కొబ్బరి లోని పచ్చిదనం పోతుంది. 

కావాలంటే ఈ వంటకం లో పాలు కూడా పోసుకోవచ్చు  రుచి కోసం.


 - రమ