తన సొంతజిల్లాలోనే జగన్ పట్టు బలహీనమైపోతుందా? అంటే అవుననే సంకేతాలే వినిపిస్తున్నాయి. సొంతజిల్లా కడప నియోజక వర్గం నుండే వైకాపా అధినేత జగన్మోహన్ రెడ్డికి ఎమ్మెల్యే షాక్ ఇవ్వనున్నారని నిన్నమొన్నటి వరకు వార్తలు జోరుగా సాగాయి. ఆయన జిల్లాలో కీలకమైన ఎమ్మెల్యే అని.. ఆయన త్వరలోనే పార్టీ మారుతున్నారని వార్తలు వినిపించినా పేరు తెలియలేదు. అయితే ఈ ఎమ్మెల్యే ఎవరో కాదు ఆదినారాయణరెడ్డి అని ఇప్పుడు తెలుస్తోంది. ఇప్పటికే నలుగురు ఎమ్మెల్యేలు టీడీపీలోకి మారుతున్నారు అని వార్తుల వినిపిస్తున్న నేపథ్యంలో ఇప్పుడు ఈ ఎమ్మెల్యేకూడా వారి జాబితాలో చేరిపోయారు. అయితే వైకాపా పార్టీలో ఉన్న ఎవరైతే జగన్ పై అసంతృప్తితో ఉన్నారో ఆ నేతలకు టీడీపీ గాలం వేస్తుందని వార్తులు వినిపిస్తున్నాయి. దీనిలో భాగంగానే టీడీపీ నేతలు ఆదినారాయణరెడ్డితో సంప్రదింపులు జరిపారట. అయితే ఎప్పటినుండో పార్టీతో అంటీ ముట్టనట్టుగా ఉంటున్న ఆదినారాయణరెడ్డి కూడా టీడీపీలోకి చేరడానికి సముఖత చూపిస్తున్నట్టు తెలుస్తోంది. మొత్తానికి కడప నుండి పది అసెంబ్లీ స్థానాల నుండి 9 స్థానాలను వైకాపా సొంతం చేసుకొన్ని ఎప్పటి లాగే అక్కడ తన పట్టు నిరూపించుకున్న జగన్ ఇప్పుడు ఒక్కోక్క ఎమ్మెల్యే పార్టీ మారే ప్రయాత్నాలు చేస్తుండటంతో అతని బలం తగ్గిపోతుందేమో అని రాజకీయ వర్గాలు చర్చించుకుంటున్నాయి.
.webp)
.webp)
