నా ఉద్యోగార్హతలు ఇవీ.. కేటీఆర్ ట్వీట్

ప్రధాని నరేంద్ర మోదీ డిగ్రీ పట్టాల విషయంలో ఢిల్లీ సీఎం అరవింద్ కేజ్రివాల్ గట్టిగా ప్రశ్నలు వేశారు.. నేడు బీఆర్ ఎస్ నేతలు  కూడా అదే విషయంపై స్పందించారు.

 బిఆర్‌ఎస్ కార్యనిర్వాహక అధ్యక్షుడు కేటీఆర్ తన డిగ్రీని చూపిస్తానని అన్న తర్వాత.. ఆయన సోదరి, తెలంగాణ ఎమ్మెల్సీ కల్వకుంట్ల కవిత భారతదేశంలో నిజమైన డిగ్రీలు ఉన్నవారికి ఉద్యోగం రాదని వ్యాఖ్యానించారు. ఎలాంటి డిగ్రీ లేని వారు ఉన్నత ఉద్యోగం చేస్తున్నారన్నారు.

 నిరుద్యోగం రేటు 7.8 శాతంగా ఉంది,  ఇది 3 నెలల గరిష్టం!  కానీ యువకుల సామర్థ్యాన్ని ఉపయోగించుకోవడంలో ఏదైనా ప్రణాళిక ఉందా? ప్రయత్నం లాంటిది ఉందా ? నేటి భారతదేశంలో వాస్తవం ఏమిటంటే - నిజమైన డిగ్రీలు ఉన్నవారికి ఉద్యోగం లేదు..  ఒక డిగ్రీ లేని వ్యక్తి ఉన్నత ఉద్యోగంలో ఉంటాడు అంటూ ఆమె ట్వీట్ చేశారు.

అంతకుముందు కేటీఆర్ తన డిగ్రీ పట్టాలు చూపించి మరీ ప్రధానిని ఎగతాళి చేశారు. తాను పూణే యూనివర్సిటీలో బయోటెక్నాలజీలో మాస్టర్స్ డిగ్రీ చేశాననీ,  న్యూయార్క్ సిటీ యూనివర్సిటీలో బిజినెస్ అడ్మినిస్ట్రేషన్‌లో మాస్టర్స్ డిగ్రీపూర్తి చేశాననీ చెబుతూ, రెండు సర్టిఫికెట్లను పబ్లిక్‌గా పంచుకోగలనని ట్వీట్ చేశారు. ఇటీవల మోడీ డిగ్రీలపై గుజరాత్ హైకోర్టు తీర్పు ఇచ్చిన నేపథ్యంలో  కేటీఆర్ ఈ ట్వీట్ చేశారు. ప్రధానమంత్రి కార్యాలయం  ప్రధాని మోడీ డిగ్రీ,  పోస్ట్ గ్రాడ్యుయేట్ డిగ్రీ సర్టిఫికేట్‌ను అందించాల్సిన అవసరం లేదని క్లియర్ చేసింది..

 మోడీ గ్రాడ్యుయేట్, పోస్ట్ గ్రాడ్యుయేట్ డిగ్రీల వివరాలను సమర్పించాలని ప్రధాన సమాచార కమిషన్ (సిఐసి) ప్రధాన సమాచార కమిషన్ (సిఐసి) ఉత్తర్వును కోర్టు కొట్టివేసింది.

 కాగా, కేటీఆర్ ట్వీట్‌పై తృణమూల్ కాంగ్రెస్ ఎంపీ మహువా మొయిత్రా స్పందించారు. “ఏమిటి? కేవలం ఒక ఎంబీఏ దయచేసి మరొకటి పొందండి- ఫర్జికాంత్ శైలి!," అని ట్వీట్ చేశారు.

"అవును, పాపం గుజరాత్ విశ్వవిద్యాలయం నుండి ఫేకరీ లేదా ఫేకుగిరిలో మాస్టర్స్ డిగ్రీ లేదు," అని కేటిఆర్ వ్యంగ్యంగా  బదులిచ్చారు.

 ఎంటైర్ పొలిటికల్ సైన్స్ లో డిగ్రీ, పీజీ  చేశానని చెప్పుకున్న మోడీ..చూపించడానికి జంకడం ఎందుకని ప్రజలు అనుకుంటున్నారు..
లో గుట్టు పెరమాళ్ల కెరుక..!!