తలసాని రాజీనామా చేయనేలేదా?

కాంగ్రెస్ నేత గండ్ర వెంకట రమణారెడ్డి సమాచార హక్కు క్రింద తలసాని శ్రీనివాస్ యాదవ్ రాజీనామా గురించి శాసనసభ కార్యాలయానికి వ్రాసిన ఒక లేఖకు డిప్యూటి సెక్రెటరీ మరియు పబ్లిక్ ఇన్ఫర్మేషన్ ఆఫీసర్ నరసింహాచార్యులు బదులిస్తూ “తలసాని శ్రీనివాస్ యాదవ్ నుండి తమకు ఇంతవరకు రాజీనామా లేఖ రాలేదని” తెలియజేసారు. ఆయన ఈ విషయాన్ని గండ్ర వెంకట రమణా రెడ్డికి ఈనెల 8న లిఖిత పూర్వకంగా తెలియజేసారు. తలసాని శ్రీనివాస్ యాదవ్ గత డిశంబర్ నెలలో రాజీనామా చేసినట్లు ప్రకటించారు. కనీ ఇంతకాలంగా దానిని స్పీకర్ మధుసూదనాచారి ఆమోదించలేదని చెప్పుకొంటున్నారు. కానీ సమాచార హక్కు క్రింద గండ్ర అడిగిన ప్రశ్నతో తలసాని శ్రీనివాస్ యాదవ్ తన రాజీనామా లేఖను స్పీకర్ కార్యాలయానికి ఇంతవరకు పంపనే లేదని స్పష్టం అయ్యింది.