స్వామిగౌడ్ క్షమాపణ చెప్పాలి

తెలంగాణ శాసన మండలి చైర్మన్ స్వామిగౌడ్ చేసిన వ్యాఖ్యలు దుమారం సృష్టిస్తున్నాయి. ముస్లింలను డామినేట్ చేయడానికి హిందువులు నలుగురేసి పిల్లల్ని కనాలని స్వామిగౌడ్ పిలుపు ఇచ్చారు. ఈ వ్యాఖ్యలు వివాదాస్పదం అయ్యాయి. పలువురు ఈ వ్యాఖ్యలను ఖండిస్తున్నారు. సీపీఐ జాతీయ కార్యవర్గ సభ్యుడు నారాయణ ఈ వ్యాఖ్యలను దుయ్యబట్టారు. ఈ ప్రమాదకర వ్యాఖ్యలను స్వామిగౌడ్ వెంటనే ఉపసంహరించుకుని క్షమాపణ చెప్పాలని నారాయణ డిమాండ్ చేశారు. స్వామిగౌడ్ చేసిన వ్యాఖ్యలను సీఎం కేసీఆర్ ఖండించకపోవడాన్ని కూడా నారాయణ తప్పుపట్టారు. ఇప్పటికైనా కేసీఆర్ స్పందించకపోతే స్వామిగౌడ్ వ్యాఖ్యలను ప్రభుత్వం ఆమోదించినట్టు భావించాల్సి వుంటుందని ఆయన అన్నారు.