కొడుకు కాదు.. యముడు!

తన కొడుకు తనకు పున్నామ నరకాన్ని తప్పిస్తాడని ఆ తండ్రి భావించాడు.. అయితే ఆ కొడుకు యముడిలా మారి తండ్రి ప్రాణాలు తీసేశాడు. చిత్తూరు జిల్లా మేళ్ళచెర్వులో నివసించే కేశవరెడ్డి, విశ్వనాథరెడ్డి అనే తండ్రీ కొడుకుల మధ్య గత కొంతకాలంగా భూ వివాదం నడుస్తోంది. శనివారం నాడు ఈ విషయం మీద వీళ్ళిద్దరూ బాగా పోట్లాడుకున్నారు. విశ్వనాథ్‌రెడ్డికి ఆవేశం పెరిగిపోయి తన తండ్రి మీద దాడి చేయడంతో కేశవరెడ్డి తీవ్రంగా గాయపడి మరణించాడు. ఈ సంఘటనను చూసిన పక్కింట్లో వుండే కృష్ణయ్య విశ్వనాథరెడ్డిని నిలదీయడంతో పట్టలేని కోపంతో విశ్వనాథరెడ్డి కృష్ణయ్యని కూడా చంపేశాడు. దాంతో గ్రామస్థులు విశ్వనాథరెడ్డిని కట్టేసి కొట్టారు. దాంతో అతను చావుబతుకుల మధ్య ఆస్పత్రిలో చికిత్స పొందుతున్నాడు. క్షణికావేశం రెండు ప్రాణాలను బలితీసుకుంది.