మోడీ సార్.. మీరు సూపర్.. రవీనా...

బాలీవుడ్ నటి రవీనా టాండన్ ప్రధానమంత్రి నరేంద్రమోడీ మీద ప్రశంసలు జల్లు కురిపించింది. మోడీ ప్రవేశపెట్టిన ‘స్వచ్ఛ భారత్’ కార్యక్రమం తనకెంతో నచ్చిందని ఆమె చెబుతూ, ఈ కార్యక్రమానికి ప్రతి ఒక్కరూ సంపూర్ణ మద్దతు ఇవ్వాల్సిన అవసరం వుందని చెప్పింది. మన ఇంటిని శుభ్రంగా ఉంచుకున్నట్లే, దేశాన్ని కూడా శుభ్రంగా ఉంచుకోవాల్సిన బాధ్యత పౌరులందరిమీదా వుందని ఆమె అన్నారు. అలాగే జమ్ము కాశ్మీర్లో వరదలతో బాధపడుతున్నవారిని ఆదుకోడానికి ఉదారంగా విరాళాలు ఇవ్వాలని కూడా ప్రజలకు రవీనా పిలుపునిచ్చింది. రవీనా వరస చూస్తుంటే ఆమె త్వరలో రాజకీయ రంగ ప్రవేశం చేసే లక్షణాలు కనిపిస్తున్నాయని పరిశీలకులు అంటున్నారు.