వెండితెరపై గణితశాస్త్ర దిట్ట

ఇప్పటివరకు చాలా మంది సినిమా హీరోలు, స్వతంత్ర సమర యోధుల వంటి వాళ్ళ జీవిత చరిత్రలు వెండితెరపై ప్రాణం పోసుకున్నాయి. అయితే తాజాగా వీరి జాబితాలోకి రామానుజన్ కూడా చేరారు. గణితశాస్త్రంలో దిట్టగా పేరుపొందిన రామానుజన్ జీవితం ఆధారంగా "రామానుజన్" అనే సినిమా తెరకెక్కుతుంది. ఈ చిత్రంలో రామానుజన్ పాత్రలో జెమిని గణేషన్ మనవడు అభినయ్ నటిస్తున్నాడు. మలయాళ నటి భామ కథానాయికగా నటిస్తుంది. కాంఫోర్ సినిమా సంస్థ నిర్మిస్తున్న ఈ చిత్రానికి జ్ఞాన రాజశేఖరన్ దర్శకత్వం వహిస్తున్నాడు. ఇటీవలే లండన్ లోని కేంబ్రిడ్జ్ విశ్వవిద్యాలయంలో కొన్ని కీలక సన్నివేశాలను చిత్రీకరించారు. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.