ఫ్యాన్సీ నంబర్‌ కోసం 33 కోట్లు..

కార్ల నెంబర్ ప్లేట్లు కానీ..మొబైల్ ఫోన్ నంబర్లు కానీయండి ఫ్యాన్సీ నంబర్లకు ఉన్న క్రేజే వేరు. ఖరీదైన కార్లు కొని వాటికి తమ హోదా కనిపించేలా నంబర్ ప్లేట్‌ మీద ఫ్యాన్సీ నంబర్ ఉండాలనుకుంటారు సంపన్నులు. రాజకీయనాయకులు, సినీతారలు, సంపన్నులు   ఫ్యాన్సీ నెంబర్లు కోసం ఎంతైనా ఖర్చు పెట్టేందుకు వెనుకాడటం లేదు.  మొన్నామధ్య టాలీవుడ్ హీరో జూనియర్ ఎన్టీఆర్ తాను కొత్తగా కొన్న బీఎండబ్ల్యూ కారు కోసం 10 లక్షలు ఖర్చుపెట్టారంటే నోరెళ్లబెట్టాం. కానీ ఒక వ్యక్తి ఫ్యాన్సీ నంబర్ కోసం ఏకంగా 33 కోట్లు ఖర్చుపెట్టాడంటే నమ్ముతారా.? యూఏఈలోని షార్జాలో ఫ్యాన్సీ నంబర్‌ను వేలం వేయగా, ఆరిఫ్ అహ్మద్ అల్ జరౌనీ అనే వ్యాపారవేత్త నలభై తొమ్మిది లక్షల డాలర్లు ( మన కరెన్సీలో రూ.33 కోట్లు)కు బిడ్ వేసి నం.1 నంబర్‌ను దక్కించుకున్నాడు. ఈ మొత్తం నిర్ణయించిన ధర కంటే 18 రెట్టు ఎక్కువ. అయితే ఇక్కడ ఇదేం పెద్ద గొప్ప కాదు. 2008లో జరిగిన బిడ్డింగ్‌లో యూఏఈలోనే అత్యంత సంపన్న ఎమిరేట్ అయిన అబుదాబీలో నం.1 నంబర్‌ను ఒక వ్యక్తి 1.42 కోట్లకు దక్కించుకున్నాడు.