అమెరికాలో ఎన్టీఆర్ విగ్రహం

తెలుగు చిత్ర పరిశ్రమలో తన నటనతో చరిత్ర సృష్టించి, నటసార్వభౌముడిగా కీర్తి గడించారు ఎన్టీఆర్. ఇప్పుడు ఆయన విగ్రహాన్ని అమెరికాలో ప్రతిష్ఠించాలనుకుంటున్నారు. అమెరికా తెలుగు అసోసియేషన్ (తానా) ఆధ్వర్యంలో ఎన్టీఆర్ విగ్రహాన్ని కాలిఫోర్నియాలోని పార్క్ లో నెలకొల్పేందుకు విగ్రహాన్ని రూపొందిస్తున్నారు. తానా సభలు జులైలో జరగనున్నాయని, అప్పుడు విగ్రహాన్ని ఆవిష్కరించనున్నామని, విగ్రహ రూపకల్పనకు ఎప్పుడో ఆర్డర్ ఇచ్చామని విగ్రహ నిర్మాణ కమిటీ అధ్యక్షుడు శరత్ బి కామినేని తెలిపారు. తూర్పుగోదావరి జిల్లా కొత్తపేటలోని డి.రాజ్కుమార్ వుడయార్ శిల్పశాలలో, 80 కిలోల పంచలోహాలతో కృష్ణావతారంలో ఉన్న ఎన్టీఆర్ విగ్రహం రూపుదిద్దుకుంది. ఈ విగ్రహాన్ని బుధవారం విమానంలో అమెరికా పంపించనున్నారు.