తాతలైన చంద్రబాబు, బాలకృష్ణ

ఉగాది పర్వదినం రోజున నారా, నందమూరి కుటుంబాలు శుభవార్తను విన్నారు. నారా చంద్రబాబు నాయుడు, నందమూరి బాలకృష్ణ తాతలయ్యారు. చంద్రబాబు కుమారుడు, బాలకృష్ణ కుమార్తె.... నారా లోకేష్, బ్రహ్మణి దంపతులు తల్లిదండ్రులయ్యారు. బ్రహ్మణి ఉగాది రోజున హైదరాబాద్‌లో పండంటి మగబిడ్డకు జన్మనిచ్చారు. తల్లీబిడ్డా క్షేమంగా వున్నారు. ఉగాది పండుగ రోజున ఈ శుభవార్తను విన్న నారా, నందమూరి కుటుంబాల ఆనందానికి అవధులు లేవు. వీరు మాత్రమే కాకుండా నందమూరి వంశాభిమానులు, తెలుగుదేశం పార్టీ అభిమానులు సంతోషాన్ని వ్యక్తం చేస్తున్నారు. ఈ మన్మథ నామ సంవత్సర ఉగాది నారా, నందమూరి వంశాలకు ఒక ప్రత్యేక ఉగాదిగా మారింది.