'మాయాబజార్' ఇండియాస్ గ్రేటెస్ట్ మూవీ

ఐబీఎన్ నిర్వహించిన లైవ్‌పోల్‌లో 'ఇండియాస్ గ్రేటెస్ట్ ఫిలిం ఎవర్' కిరీటం మన 'మాయాబజార్'కు దక్కింది. అక్షరాలా 16,960 ఓట్లతో (23.91%) సగర్వంగా అగ్రస్థానంలో నిలిచింది. ఇదే ఐబీఎన్ నిర్వహించిన గ్రేటెస్ట్ యాక్టర్స్ పోల్‌లో మన ఎన్టీఆర్, శ్రీదేవి నంబర్‌వన్‌గా నిలిచిన సంగతి తెలిసిందే. ఇప్పుడు గొప్ప చిత్రం కీర్తి కూడా తెలుగు సినిమాకే దక్కడం విశేషం. కాగా, ఈ పోల్‌లో.. రజనీకాంత్ సూపర్ హిట్ సినిమా చంద్రముఖికి మలయాళ మాతృక.. 'మణిచిత్ర తాళు' 15,017 ఓట్ల(21.17%)తో రెండో స్థానంలో నిలిచింది. మూడో స్థానం కూడా మలయాళ చిత్రానికే దక్కింది. ఆ సినిమా.. ఒరు వడక్కన్ వీరగాథ. 14,603 ఓట్ల(20.59%)తో ఆ సినిమా తృతీయస్థానంలో నిలిచింది. బెంగాలీలు గొప్పగా చెప్పుకొనే పథేర్ పాంచాలి (3902) నాలుగో స్థానంలో నిలవగా.. మణిరత్నం తీసిన నాయగన్ (3,854) ఐదో స్థానంతో సంతృప్తి చెందింది.