అద్దె గర్భం ద్వారా మంచు లక్ష్మికి అమ్మతనం!

ఇటీవలి కాలంలో చాలామంది అద్దె గర్భం ద్వారా (సరోగసి) మాతృత్వ మధురిమలు పొందుతున్నారు. ఈ జాబితాలో ప్రముఖ సినీ నటుడు మోహన్‌బాబు కుమార్తె, నటి మంచు లక్ష్మి కూడా చేరారు. ఈమధ్యకాలంలో ట్విట్టర్‌లో యాక్టివ్‌గా వున్న మోహన్ బాబు శనివారం నాడు ‘‘రేపు మధ్నాహ్నం ఓ ముఖ్యమైన విషయాన్ని ప్రకటించబోతున్నా. అది నాకు, నా కుటుంబానికి అది చాలా ఆనందకరమైన వార్త’’ అని ట్విట్ చేయడంలో ఆ వార్త ఏమిటా అన్న ఆసక్తి అందరిలోనూ కలిగింది. ఆదివారం ఉదయం ఆ సస్పెన్స్.ని మంచు కుటుంబమే తొలగించింది. సరోగసి విధానం ద్వారా తన కుమార్తె లక్ష్మి తల్లైనట్టు మోహన్ బాబు అధికారికంగా ట్విట్టర్‌లో పేర్కొన్నారు.మరోవైపు మంచు మనోజ్ కుడా ‘‘నా ప్రియమైన సోదరికి సరోగసి ద్వారా అమ్మాయి పుట్టింది. మామగా నాకు ప్రమోషన్ లభించింది’’ అని ట్విటర్ లో ట్వీట్ చేశారు.