శ్రీను వైట్ల - కోన వెంకట్ మిలాఖత్...
posted on Jan 30, 2015 10:34PM
గతంలో కొన్ని చిత్రాలకు కలసి పనిచేసిన దర్శకుడు శ్రీను వైట్ల, రచయిత కోన వెంకట్ ఆ తర్వాత ఇగో ప్రాబ్లమ్స్తో ఒకరినొకరు దారుణంగా విమర్శించుకుని విడిపోయిన విషయం తెలిసిందే. వీళ్ళిద్దరూ గొడవ పడిన తీరు చూసి ఇక జన్మలో వీరిద్దరూ కలవరని చాలామంది అమాయక ప్రజానీకం అనుకున్నారు. ఎవరూ ఊహించనిదే సినిమావాళ్ళు చేసి చూపిస్తారు. ఇప్పుడు వీళ్ళిద్దరూ ఒక్కటయ్యారు. ఈ విషయాన్ని కోన వెంకట్ ప్రకటించారు. దర్శకుడు శ్రీను వైట్లతో వున్న విభేదాలను పక్కనపెట్టి రామ్చరణ్ సినిమా కోసం ఆయనతో కలసి పనిచేస్తున్నానని కోన వెంకట్ తెలిపారు. 2003 నుంచి 2013 వరకు శ్రీను వైట్లతో కలసి తాను పనిచేసిన సినిమాలు ఘన విజయాలు సాధించాయని, 2013లో శ్రీను వైట్లతో విభేదాలు రావడంతో తాను ఆయన నుంచి దూరమయ్యానని ఆయన చెప్పారు. హీరో రామ్చరణ్ కోరిక మేరకు తాను మళ్ళీ శ్రీను వైట్లతో కలసి పనిచేస్తున్నానని వెల్లడించారు. తమ సినిమాకు కథ, మాటలను సిద్ధం చేశామని చెప్పారు. కలిస్తే కలిశారుగానీ, మరోసారి తిట్టుకుంటూ మీడియాకి ఎక్కకండిబాబూ...