కిరణ్ రాజీనామా చేయలేదు

రాష్ట్ర విభజనను వ్యతిరేకిస్తూ ముఖ్యమంత్రి కిరణ్ కుమార్ రెడ్డి రాజీనామా చేసిన వార్తలను ఆయన కార్యాలయం ఖండించింది. నిన్న రాత్రి పదకొండు గంటలకు ముఖ్యమంత్రి కార్యాలయం ఈ మేరకు ప్రకటన విడుదల చేసింది. అయితే కిరణ్ మాత్రం రాష్ట్ర విభజన పై అసంతృప్తిగా ఉన్నట్లు సమాచారం. సిఎంవో విడుదల చేసిన ప్రకటనలో... తాను అధిష్టానానానికి రాజీనామా సమర్పించేసినట్లు ఎలాంటి నిర్ధారణ, ఆధారాలు లేకుండా ఎలా రాసేస్తారని ఆయన అడిగారు. ఏదైనా ఉంటే నా వివరణ తీసుకోవాలని, ఎవరి ఇష్టం వచ్చినట్లు వారు కథనాలు ప్రచురించడం సమంజసం కాదని ప్రకటనలో ముఖ్యమంత్రి అన్నారు. కిరణ్ కుమార్ రెడ్డి అలాంటి ఆలోచనల్లో లేరని కూడా సిఎంవో స్పష్టం చేసింది.