పనిపిల్ల జడ లాగిన ప్రధాని

ఎదో సరదాగా పోనీ టెయిల్ పట్టుకొని లాగినందుకు పోనీ లే అని ఊరుకోకుండా రచ్చ చేసిందో వెయిట్రెస్. లాగింది మామూలు వ్యక్తి కూడా కాదు న్యూజిలాండ్ ప్రధానమంత్రి. ఫలితం ఆమెకు క్షమాపణ చెప్పాల్సి వచ్చింది. ప్రధాని జాన్ కీ ఆక్లాండ్ లో ఓ వెయిట్రస్ వేసుకున్న పోనీ టెయిల్ పట్టుకొని లాగాడు. దీంతో ఆమె దాన్ని వేధింపులుగా భావించడంతో ప్రధాని క్షమాపణ చెప్పాల్సి వచ్చింది. ఆయన విలేకరులతో మాట్లాడుతూ సాధారణంగా ప్రాక్టికల్ జోక్స్ వేయడం తనకి ఇష్టమని అన్నాడు. ఆ ఉద్దేశంతోనే పోనీ టైల్ లాగానని, తను చేసిన పనికి ఆమె బాధపడినట్టు తెలిసిన వెంటనే క్షమాపణ చెప్పానని వివరించారు.