అన్నీ అడగదల్చుకోవడమేనా?

సమైక్య శంఖారావ సభలో జగన్ మాట్లాడిన తీరు భలే వెరైటీగా వుంది. ఈ సభలో జగన్ అనేక విషయాలు మాట్లాడాడు. మీటింగ్ ప్రారంభమైనప్పటి నుంచి జగన్ ఒక్కోవిషయాన్ని ప్రస్తావిస్తూ, ‘‘అడగదల్చకున్నా’’ అనే మాటని కనీసం వందసార్లయినా అన్నాడు. సోనియా గాంధీని ‘‘అడగదల్చుకున్నా’’, చంద్రబాబుని ‘‘అడగదల్చుకున్నా’’, విభజనవాదులను ‘‘అడగదల్చుకున్నా’’, కేంద్ర ప్రభుత్వాన్ని ‘‘అడగదల్చుకున్నా’’ అని బోర్ కొట్టించాడు. ఇంతకీ జగన్ ప్రస్తావించిన పాయింట్లు అడిగదల్చుకున్నట్టా? అడిగినట్టా? టోటల్‌గా జగన్ పద్ధతి ‘అడగదల్చుకోవడమే’ తప్ప అడగటం కాదన్నమాట! ఏం జగన్ గారూ.. అన్నీ అడగదల్చుకోవడమేనా? అడగడం లేదా అని రేపు జనం అడిగితే జగన్ ఏం సమాధానం చెబుతాడో?!