హైదరాబాద్‌లో భారీ అగ్ని ప్రమాదం

హైదరాబాద్‌లోని మల్లేపల్లి ప్రాంతంలో వున్న ఐటీఐ గోదాముల్లో భారీ అగ్నిప్రమాదం సంభవించింది. గోదాముల నుంచి భారీగా మంటలు ఎగసిపడ్డాయి. మంటల కారణంగా సమీపంలోని అనేక గ్యాస్ సిలెండర్లు కూడా పేలిపోయాయి. చుట్టుపక్కల ప్రాంతాల్లో దట్టంగా పొగలు వ్యాపించాయి. అగ్నిమాపక సిబ్బంది మంటలను అదుపులోకి తేవడానికి తంటాలు పడాల్సి వచ్చింది. మంటలను అదుపు చేయడానికి 10 నీళ్ళ ట్యాంకర్లు, 12 అగ్నిమాపక యంత్రాలను వినియోగించారు. ఈ అగ్ని ప్రమాదంలో భారీగా ఆస్తి నష్టం సంభవించిందని, ప్రాణనష్టం జరగలేదని డీసీపీ వెంకటేశ్వరరావు తెలిపారు. మెకానిక్ గోదాములో ముందుగా మంటలు చెలరేగి వ్యాపించాయని ఆయన తెలిపారు.