శ్రుతిహాసన్‌కి ఎక్కడెక్కడో టాటూలు

శరీరం మీద ఎక్కడెక్కడో టాటూలు ముద్రించుకునే సంస్కృతి విదేశాలలో బాగా వుంది. ఈ సంస్కృతి ఈమధ్యకాలంలో మన దేశంలో కూడా వ్యాపిస్తోంది. తాజాగా కమల్ హాసన్ కూతురు, హీరోయిన్ శ్రుతీ హాసన్ ఈ టాటూల సబ్జెక్ట్‌లో పీహెచ్‌డీ చేసేట్టు కనిపిస్తోంది. ఎందుకంటే ఈ ముద్దుగుమ్మ ఒంటిమీద ఎక్కడ పడితే అక్కడ టాటూలు ముద్రించుకుంటోంది. ఈ మధ్య కాలంలో హిట్ల మీద హిట్లతో మంచి ఊపు మీద వున్న ఈ భామ మొన్నామధ్య మణికట్టు మీద ఒక చిన్న టాటూ వేయించుకుంది. ఆ తర్వాత ఆ చిన్న టాటూ కనిపించకుండా వుండటం కోసం దానిమీద పువ్వు లాంటి ఒక పెద్ద టాటూ పొడిపించుకుంది. ఇప్పుడు తాజాగా శ్రుతీహాసన్ తన వీపుమీద తన పేరును తమిళ భాషలో టాటూగా వేయించుకుంది. అలాగే తన పాదాల మీద ‘రైజ్’ అనే పదాన్ని టాటూ వేయించుకుంది. తాను వేయించుకున్న టాటూలతో ఫొటోలు కూడా దిగుతోంది. శ్రుతీ హాసన్ వరస చూస్తుంటే భవిష్యత్తులో ఇంకొన్నిచోట్ల కూడా టాటూలు వేయించుకునేట్టు కనిపిస్తోంది. అమ్మా శ్రుతీహాసన్... నువ్వు ఎక్కడైనా టాటూ వేయించుకోగానీ, ముఖం మీద మాత్రం వేయించుకోకమ్మా.. ప్లీజ్!!