యువతి స్నానం చేస్తుంటే సెల్‌తో....

బంజారాహిల్స్‌లోని ఒక అపార్ట్‌మెంట్‌లో స్నానం చేస్తున్న యువతిని వీడియో తీసిన ప్రబుద్ధుడిని పోలీసులు అరెస్టు చేసి, అతని మీద నిర్భయ కేసును నమోదు చేసి రిమాండ్‌కి తరలించారు. బంజారాహిల్స్‌లోని రోడ్ నంబర్ 13లోని సయ్యద్ నగర్‌లో నివసించే రవూఫ్ అనే ఎలక్ట్రీషియన్ బంజారాహిల్స్ రోడ్ నంబర్ 12లో వున్న ఒక అపార్ట్‌మెంట్‌లో కరెంటు పనుల నిమిత్తం వెళ్ళాడు. ఈ సందర్భంగా అదే అపార్ట్‌మెంట్‌లో స్నానం చేస్తున్న యువతిని గమనించిన రవూఫ్ తన దగ్గర వున్న సెల్‌ఫోన్‌లో ఆమెని చిత్రీకరించాడు. ఈ విషయాన్ని మరో మహిళ గుర్తించి కేకలు వేయడంతో రవూఫ్ పరారయ్యాడు. మంగళవారం నాడు ఈ సంఘటన జరిగింది. బాధితురాలు పోలీసులకు ఫిర్యాదు చేయడంతో పోలీసులు రవూఫ్‌ని అరెస్టు చేసి నిర్భయ కేసు నమోదు చేశారు. రవూఫ్‌ని రిమాండ్‌కి తరలించారు.