ఊరంతా ఇల్లరికపు అల్లుళ్లే

పెళ్లవగానే అమ్మాయిలు అత్తవారింటికి వెళతారు. ఎక్కడో గాని అబ్బాయిలు ఇల్లరికానికి వెళతారు. కాని ఓ ఊళ్లో అసలు అమ్మాయిలు అత్తారింటికే వెళ్లరట. అందరూ ఇల్లరికపు అల్లుళ్లే ఉన్నారట. ఎక్కడనుకుంటారా... ఉత్తరప్రదేశ్లోని కౌశాంబి నగర పరిధిలోగల కరాయ్ టౌన్షిప్లో అందరూ ఇల్లరికపు అల్లుళ్లే. అల్లుళ్లందరూ మూటాముల్లె సర్దుకొని తమ మామగార్ల ఇళ్లకు వచ్చేస్తారు. దీంతో ఆవీధికి అల్లుళ్ల వీధి అని పేరు కూడా పెట్టారు. అక్కడే దాదాపు 60 కుటుంబాలు ఉండగా వాళ్లలో ఎక్కువ మంది ముస్లింలే. ఆ వీధి మొత్తాన్ని కూడా 'అల్లుళ్ల వీధి' అంటారు. వీరిలో చాలామంది వేరే ప్రాంతాల నుండి వచ్చి ఇక్కడ చిన్న వ్యాపారాలు చేసుకుంటూ జీవిస్తున్నారని అక్కడి స్థానికులు చెప్పారు. దాదాపు 35 సంవత్సరాలనుండి ఇక్కడ ఇలాగే కొనసాగుతోందని తెలిపారు.