తెలంగాణ పౌరులకు తెలంగాణ గుర్తింపు కార్డులు

తెలంగాణ రాష్ట్ర పౌరులకు ప్రత్యేక గుర్తింపు కార్డులు ఇవ్వాలని తెలంగాణ ప్రభుత్వం నిర్ణయించింది. ఈ మేరకు మంగళవారం నాడు ప్రభుత్వం ఆదేశాలు జారీ చేసింది. ఇప్పటి వరకు వున్న రేషన్ కార్డులు ఇక పనికిరావని, తన ప్రభుత్వం నిర్వహించిన సమగ్ర కుటుంబ సర్వే ఆధారంగా కొత్త గుర్తింపు కార్డులు ఇస్తామని ప్రకటించింది. తాము ఇచ్చిన సదరు గుర్తింపు కార్డుల ఆధారంగానే ప్రభుత్వం చేపట్టిన సంక్షేమ పథకాలు అమలు చేస్తామని తెలంగాణ రాష్ట్ర ప్రభుత్వం తెలిపింది. అలాగే కొత్తగా ఆదాయ, కుల, స్థానిక ధ్రువపత్రాలు ఇవ్వాలని తెలంగాణ ప్రభుత్వం భావిస్తోంది. కొత్త ధ్రువీకరణ పత్రాల కోసం తహసీల్దార్ కార్యాలయాల్లో దరఖాస్తు చేసుకోవాలని తెలంగాణ ముఖ్యమంత్రి కేసీఆర్ సూచించారు.