చిరంజీవి ఇంటికి వాస్తు కళ

ఎవరైనా సక్సెస్‌లో వుంటే అది తమ గొప్పే అనుకుంటారు. ఫెయిల్యూర్‌లో వుంటే వాళ్ళ దృష్టి తాము నివసించే ఇంటి వాస్తు మీద పడుతుంది. ఇప్పుడు మాజీ మెగాస్టార్ చిరంజీవి కూడా తాను రాజకీయాల్లో రాణించకపోవడానికి కారణం తన ఇంటి వాస్తు సరిగా లేకపోవడమేనని అనుకుంటున్నట్టు సమాచారం. అందుకే తన ఇంటి వాస్తును సమూలంగా మార్చేసి పూర్తి పర్‌ఫెక్ట్ వాస్తు వున్న ఇంటిగా మార్చాలని సన్నాహాలు చేస్తున్నారు. అందులో భాగంగా ఆయన కుటుంబం మొత్తం ఇల్లు ఖాళీ చేసి విదేశాలకు విహార యాత్రలకు వెళ్ళిపోయిందట. వారు తిరిగి వచ్చే సరికి ఇల్లంతా కొత్తగా, వాస్తుతో కళకళలాడుతూ వుంటుందట. చిరంజీవి కేంద్ర మంత్రిగా వున్నప్పుడు ఢిల్లీలో ఆయనకు కేటాయించిన ఇంటికి కోట్లు ఖర్చుపెట్టి భారీగా వాస్తు మార్పులు చేయించారు. అయినప్పటికీ ఆయన మంత్రిగా రాణించలేకపోయారు కదా.. ఇప్పుడు హైదరాబాద్‌లోని తన సొంత ఇంటికి వాస్తు మార్పులు చేయించినంత మాత్రాన ఏం ఒరుగుతుంది అని హేతువాదులు ప్రశ్నిస్తున్నారు.