ఆగష్ట్ లో చిరు సినిమా షూటింగ్

చిరంజీవి 150 వ సినిమా తీస్తాడా? తీయడా? ఇప్పుడు తీస్తాడు.. అప్పుడు తీస్తాడు అంటూ ఎన్నో రోజులుగా ఎన్నో వార్తలు వింటూనే ఉన్నాం. ఎట్టకేలకు సినిమా తీస్తున్నారు అని ప్రకటించారు. తీస్తున్నారు అని చెప్పడంతో మళ్లీ ప్రేక్షకుల్లోహీరోయిన్ ఎవరు, ఎవరు దర్శకత్వ వహిస్తారు, ఎవరు నిర్మిస్తారు అని మళ్లీ 'చిరు' సందేహాలు మొదలయ్యాయి. ఇప్పుడు ఆ సందేహాలు చాలా వరకు తీరినట్టే. తన 150 వ సినిమా షూటింగ్ ను ఆగష్ట్ లో ప్రారంభించనున్నట్లు స్వయంగా చిరంజీవినే ఈ విషయాన్ని వెల్లడించారు. చిరు నటించబోయే 150 చిత్రానికి పూరి జగన్నాథ్ దర్శకత్వం వహించనున్నట్లు ఖరారైంది. ఈ చిత్రానికి చిరు తనయుడు రామ్ చరణ్ తేజనే నిర్మాతగా వ్యవహరించడం విశేషం. అయితే ఈ చిత్రంలో హీరోయిన్ గా నయనతార కానీ, అనుష్క కానీ నటించే అవకాశాలు ఉన్నట్లు సమాచారం. ఈ చిత్రాన్ని వచ్చే ఏడాదిసంక్రాంతికి విడుదల చేయాలని సన్నాహాలు చేస్తున్నారు.