చైనాలో నివసించే ఆ కుక్కకి త్వరలో హార్ట్ ఎటాక్ రావడం ఖాయం. ఎందుకంటే సదరు కుక్కకి సిగరెట్లు తాగడం బాగా అలవాటు అయిపోయింది. విపరీతంగా పొగ తాగితే మనుషులకి హార్ట్ ఎటాక్ వస్తుంది. అలాంటిది ఆఫ్ట్రాల్ కుక్కకి రాదా? చైనాలోని బీజింగ్లో ఓ పెంపుడు కుక్కకు పొగ తాగడం టూమచ్గా అలవాటు అయిపోయింది. ఈ కుక్కగారికి రెండేళ్ళ వయసున్నప్పటి నుంచి ఆ కుక్క ఓనర్ దీనికి పొగ తాగడం అలవాటు చేశాడు. ఇప్పుడు ఆరేళ్ళ వయసున్న ఈ కుక్క రోజూ నిద్ర పోయేముందు ఒక్క సిగరెట్ తాగి తీరుతుందట. ఒకవేళ సిగరెట్ ఇవ్వకపోతే మొరిగి మొరిగి గోల చేస్తుందట. పైగా ఈ కుక్క ఏ బ్రాండ్ పడితే ఆ బ్రాండ్ తాగదు. కేవలం యూక్సీ బ్రాండ్ సిగరెట్లను మాత్రమే తాగుతుంది. ఈ కుక్కకి సిగరెట్లు తాగడం అలవాటు చేసిన ఓనర్ ఇప్పుడు తల పట్టుకుంటున్నాడు. తన కుక్కకి హార్ట్ ఎటాక్ వస్తుందేమోనని భయపడిపోతున్నాడు.
.gif)
